નેટફ્લિક્સ દ્વારા મુંબઈમાં ‘Next On Netflix’ ઈવેન્ટનું ભવ્ય આયોજન કરવામાં આવ્યું હતું. જેમાં તેમણે વર્ષ 2025માં રિલીઝ થનારા શૉ, વેબ સીરિઝ અને ફિલ્મ સહિતના પ્રોજેક્ટની જાહેરાત કરી. મનોરંજન પ્રેમીઓ માટે આ વર્ષે OTT પ્લેટફોર્મ Netflix પર ઘણા રસપ્રદ શૉ રિલીઝ થવાના છે. ઈબ્રાહિમ અને ખુશી કપૂરની નાદાનિયાં, મંડલા મડર્સ, દિલ્હી ક્રાઈમ 3, ગ્લોરી, ધામધૂમ, ધ રૉયલ્સ, આપ જૈસા કોઈ, ડાઈનિંગ વિદ ધ કપૂર્સ, અક્કા, ટોસ્ટર, ખાકી ધ બંગાલ ચેપ્ટર, ટેસ્ટ અને ધ ગ્રેટ ઈન્ડિયન કપિલ શૉ સહિત અનેક શૉ અને ફિલ્મ્સ દ્વારા નેટફ્લિક્સ દર્શકોને મનોરંજન પૂરુ પાડશે.
આ સાથે જ શાહરુખનો પુત્ર આર્યન ખાન પણ નેટફ્લિક્સ પર એક પ્રોજેક્ટ લઈને આવી રહ્યો છે. આ ભવ્ય ઈવેન્ટમાં શાહરુખ ખાન, ગૌરી ખાન, કરણ જૌહર, ભૂમિ પેડનેકર, પ્રતીક ગાંધી, યામમી ગૌતમ, શેફાલી શાહ, રાજકુમાર રાવ, સાનિયા મલ્હોત્રા, ઈશાન ખટ્ટર, સૈફ અલી ખાન, જયદિપ અહલાવત સહિતના બૉલિવૂડ સ્ટાર્સ હાજર રહ્યા હતાં.
નવી દિલ્હીઃ અમેરિકાએ ચાઇનીઝ માલસામાન પર 10 ટકા ટેરિફ લાગુ કર્યા, એના જવાબમાં ચીને તત્કાળ જવાબી કાર્યવાહી કરતાં અમેરિકી માલસામાન પર 10 ટકાથી 15 ટકા સુધી ટેરિફ લગાવવાનું એલાન કરી દીધું હતું. ચીને કહ્યું હતું એ 10 ફેબ્રુઆરીથી અમેરિકી કોલસા અને LNG પર 15 ટકા વધારાનો ટેક્સ લગાવશે અને ક્રૂડ ઓઇલ, કૃષિ મશીનરી, મોટા વિસ્થાપનવાળી ઓટોમોબાઇલ અને પિકઅપ ટ્રકો પર 10 ટકા ટેરિફ લગાવશે.
ચીનેની કેબિનેટની સ્ટેટ કાઉન્સિલના સીમા શૂલ્ક ટેરિફ પંચે કહ્યું હતું કે અમેરિકા તરફથી એ એકતરફી ટેરિફ વધારો WTOના નિયમોનું ગંભીર ઉલ્લંઘન કરે છે અને સામાન્ય રીતે ચીન-અમેરિકા આર્થિક અને વેપાર સહયોગને નબળો કરે છે. અમેરિકી રાષ્ટ્રપતિ ડોનાલ્ડ ટ્રમ્પના કેનેડા અને મેક્સિકો પર 25 ટકા ટેરિફ લગાવવાના નિર્ણયથી સ્થાનિક વેપારીઓ સામે મોટી સમસ્યા ઊભી થઈ છે. જોકે હાલ ટ્રમ્પ થોડા નરમ પડ્યા છે, કેમ કે મેક્સિકોના રાષ્ટ્રપતિએ ટ્રમ્પ સાથે વાત કરી છે તો ખુદ ટ્રમ્પે કેનેડાના PM જસ્ટિન ટ્રુડો સાથે ફોન પર વાત કરી છે.
મેક્સિકોના રાષ્ટ્રપતિ શીનબામે જણાવ્યું હતું કે તેમણે ટ્રમ્પ સાથે વાત કરી છે અને તેઓ મેક્સિકો પર ટેરિફને તત્કાળ અસરથી એક મહિના સુધી રોકવા માટે સહમત થયા છે. તેમણે કહ્યું હતું કે મેક્સિકો અમેરિકામાં ડ્રગ્સની દાણચોરીથી બચવા માટે તત્કાળ સીમા પર 10,000 નેશનલ ગાર્ડ તહેનાત કરશે. એ માટે ટ્રમ્પને તેમણે આશ્વાસન પણ આપ્યું છે.
ગુજરાત પોલીસમાં અલગ ઇમેજ ધરાવતા IPS અધિકારી અભય ચુડાસમાએ સ્વૈચ્છિક રાજીનામું આપી દીધું છે. જો કે, હજી સુધી રાજ્ય સરકારે રાજીનામાનો સ્વીકાર કર્યો નથી. 3 જાન્યુઆરીના સવારે 10 વાગ્યે તેઓએ રાજ્યના પોલીસવડાને પોતાનું રાજીનામું આપ્યું હોવાનું જાણવા મળી રહ્યું છે. તેઓ હાલ એડિશનલ ડીજીપી તરીકે ગુજરાત પોલીસમાં ફરજ બજાવે છે. કયા કારણોસર અને નિવૃત્તિના થોડાક મહિના પહેલાં જ રાજીનામું આપ્યું તે અંગે અનેક ચર્ચા છે. ઉલ્લેખનીય છે કે ઓક્ટોબર મહિનામાં નિવૃત્ત થવાના હતા. હાલમાં પોલીસ તાલીમ શાળામાં કાર્યરત હતા.
અત્રે ઉલ્લેખનીય છે કે થોડા દિવસો પહેલાં કોડીનારમાં આયોજિત એક કાર્યક્રમમાં IPS અભય ચુડાસમાએ કહ્યું હતું કે, ‘હું રાજકારણમાં ક્યારેય જોડાઈશ નહીં, સમાજના શિક્ષણ ક્ષેત્રે કામ કરીશ.’ જેથી હવે નિવૃત્તિ બાદ સમાજસેવામાં કાર્યોમાં જોડાશે એવું લોકમુખે ચર્ચાઇ રહ્યું છે. અભય ચુડાસમા 1998 બેચના IPS અધિકારી છે. તેઓ મૂળ ધોળકા નજીક રતનપુર ગામના વતની છે. તેમને નાની ઉંમરે જ અંકલેશ્વર ખાતે ડી.વાય.એસ.પી. તરીકે પ્રથમ પોસ્ટિંગ મળ્યું હતું. તેમને પોલીસ સેવામાં લાંબી સેવા બાદ એપ્રિલ 2024માં ગાંધીનગરમાં સ્ટેટ પોલીસ એકેડેમીમાં પ્રિન્સિપાલ રૂપે નિયુક્ત કરવામાં આવ્યા હતા. આઠ જ મહિનામાં નિવૃત્ત થવાના હોવા છતાં વહેલા રાજીનામાં કારણે તેમના અનેક સાથી પોલીસકર્મીઓ ચોંકી ગયા હતા.
નવી દિલ્હીઃ દિલ્હીમાં મતદાનથી એક દિવસ પહેલાં CM અને કાલકાજીથી આમ આદમી પાર્ટીનાં ઉમેદવાર આતિશી વિરુદ્ધ કેસ નોંધાયો છે. તેમની સામે BNSની કલમ 188 હેઠળ કેસ નોંધાયો છે. તેમની અને તેમના સમર્થકોની વિરુદ્ધ સરકારી કામમાં અડચણ નાખવાનો આરોપ લગાવવામાં આવ્યો છે.
એક વિડિયો વાઇરલ થયો છે, જેમાં આતિશીના એક સમર્થક સાગર મહેતા એક પોલીસ કર્મચારીને લાફો મારતા નજરે ચઢે છે. જોતે આતિશીનું કહેવું છે કે તેમણે જ પોલીસને બોલાવી હતી, પરંતુ તેમના પર જ કેસ નોંધવામાં આવ્યો છે.
CM આતિશીએ ભાજપના ઉમેદવાર રમેશ બિધુડીના પરિવાર પર આચારસંહિતાના ઉલ્લંઘનનો આરોપ લગાવ્યો છે. તેમનો આરોપ છે કે ભાજપના ઉમેદવારના પરિવારે આચારસંહિતા તોડી છે. જોકે ફરિયાદ કરવા પર પોલીસે કોઈ કાર્યવાહી ના કરી, એવો તેમણે આરોપ લગાવ્યો છે. જોકે રમેશ બિધુડીના આરોપોને ખોટી બતાવ્યા હતા.
આ પહેલાં પણ CM આતિશી પર આચારસંહિતાના ઉલ્લંઘનમાં FIR નોંધવામાં આવી છે. આચાર સંહિતાના આરોપમાં રિટર્નિંગ ઓફિસરે CM આતિશી સામે FIR દાખલ કરી હતી. આ સાથે જ આતિશી પર એવો પણ આરોપ લગાવવામાં આવી રહ્યો છે કે તેમણે ખાનગી કાર્યાલય માટે સરકારી વાહનનો ઉપયોગ કર્યો.આતિશીની વિધાનસભા બેઠક કાલકાજીના રહેવાસી કે.એસ દુગ્ગલે ગોવિંદપુરી SHOને પણ ફરિયાદ કરી છે. કાલકાજીથી ધારાસભ્ય આતિશીને આ હાઇ-પ્રોફાઇલ બેઠક માટે ફરીથી ટિકિટ આપવામાં આવી છે. વળી, ભાજપે પણ પૂર્વ સાંસદ રમેશ બિધૂડીને કાલકાજીથી મેદાને ઉતાર્યા છે.
ઉત્તર પ્રદેશ: ફતેહપુર જિલ્લામાં એક મોટી રેલ્વે દુર્ઘટના ટળી ગઈ. ખાગા કોતવાલી વિસ્તારના પમ્ભીપુર ગામ નજીક ડેડિકેટેડ ફ્રેઇટ કોરિડોર (DFCCIL) પર બે માલગાડીઓ એકબીજા સાથે અથડાઈ હતી. આ અકસ્માતને કારણે રેલ્વે ટ્રેક પર અફળા-તફળી મચી ગઈ હતી અને અપ લાઇન ખોરવાઈ ગઈ હતી. રાહતની વાત એ છે કે આ અકસ્માતમાં કોઈ જાનહાનિના સમાચાર નથી. રેલવે સૂત્રોના જણાવ્યા અનુસાર, પંભીપુર ગામ નજીક DFCCIL ટ્રેક પર સિગ્નલના અભાવે એક માલગાડી ઉભી હતી. આ દરમિયાન, પાછળથી આવતી બીજી કોલસા ભરેલી માલગાડીએ તેને જોરદાર ટક્કર મારી. આ ટક્કરને કારણે, આગળ ઉભેલી માલગાડીનું એન્જિન અને ગાર્ડ કોચ પાટા પરથી ઉતરી ગયા.
અકસ્માત પછી શું થયું?
અકસ્માતની જાણ થતાં જ રેલવે અધિકારીઓ ઘટનાસ્થળે પહોંચી ગયા હતા અને બચાવ કાર્ય શરૂ કર્યું હતું. રેલ્વે કર્મચારીઓ પાટા સાફ કરવા અને સેવા પુનઃસ્થાપિત કરવામાં વ્યસ્ત છે. આ અકસ્માતને કારણે અપ લાઇનને અસર થઈ છે, જેના કારણે માલગાડીઓની અવરજવર ખોરવાઈ ગઈ છે.
સદનસીબે મોટી દુર્ઘટના ટળી ગઈ
આ અકસ્માતમાં કોઈ જાનહાનિ થઈ નથી, પરંતુ રેલવેને મોટું નુકસાન થવાની શક્યતા છે. આ અકસ્માત કેવી રીતે થયો અને કોની બેદરકારી જવાબદાર હતી તે અંગે રેલવે અધિકારીઓ સમગ્ર મામલાની તપાસ કરી રહ્યા છે.
રેલ્વે પ્રશાસને મુસાફરો અને સ્થાનિક લોકોને અફવાઓ પર ધ્યાન ન આપવા અને રેલ્વે દ્વારા જારી કરાયેલી સત્તાવાર માહિતી પર વિશ્વાસ કરવા અપીલ કરી છે. અધિકારીઓએ જણાવ્યું હતું કે ટૂંક સમયમાં ટ્રેક સંપૂર્ણપણે સાફ કરવામાં આવશે અને રેલ સેવા સામાન્ય કરવામાં આવશે.
અમદાવાદ: મહેસાણા જિલ્લાના કડીના ધારાસભ્ય કરશનભાઈ સોલંકીનું આજ રોજ નિધન થયું છે. તેઓ ઘણા સમયથી બીમાર હતા. આજે સવારે 11 વાગ્યે તેમના નિવાસ સ્થાનથી તેમની અંતિમ યાત્રા નીકળશે. સવારે 10.30 વાગ્યા સુધી તેમના અંતિમ દર્શન કરી શકાશે.
કડી વિધાનસભાના ભારતીય જનતા પાર્ટીના ધારાસભ્ય કરશનભાઈ સોલંકીના નિધન પર દુઃખની લાગણી વ્યક્ત કરું છું. સરળ અને સૌમ્ય સ્વભાવ તથા સાદગીપૂર્ણ વ્યવહાર માટે તેઓ હંમેશા યાદ રહેશે. ઈશ્વર તેમના આત્માને શાંતિ આપે, તથા સ્વજનો અને સમર્થકોને આ દુઃખ સહન કરવાની શક્તિ આપે તેવી પ્રાર્થના.
ॐ શાંતિ…
કરશનભાઈ લાંબા સમયથી બીમાર હતા અને અમદાવાદની સિવિલ હોસ્પિટલમાં તેમની બ્લડ કેન્સરની સારવાર ચાલી રહી હતી. મોડી રાત્રે અઢી વાગ્યે તેમણે અંતિમ શ્વાસ લીધા હતા. તેઓ વર્ષ 2017 અને 2022માં ભાજપની ટિકિટ પર ચૂંટણી જીત્યા હતા.
નોંધનીય છે કે કરશનભાઈ પોતાના સરળ અને સૌમ્ય સ્વભાવના કારણે સમગ્ર વિસ્તારમાં જાણીતા હતા. તેઓ ઘણીવાર સરકારી બસમાં મુસાફરી કરતાં તો લોકોમાં ચર્ચાનો વિષય બની જતો હતો. ઘણી વખત તેમને મોંઘીદાટ ગાડીઓની ઑફર પણ આવી હતી જે તેમણે સ્વીકારી નહીં. તેમના સાદગીભર્યા જીવનના કારણે તેમને લોકચાહના મળી હતી.
અમેરિકા: ડોનાલ્ડ ટ્રમ્પે કેનેડા સાથે મેક્સિકો પર 25 ટકા ટેરિફ લાદ્યો છે, જેના કારણે બંને દેશોમાં સ્થાનિક વ્યવસાયો માટે મોટી સમસ્યાઓ ઊભી થઈ છે. આ દરમિયાન, મેક્સિકોના રાષ્ટ્રપતિ શેનબૌમે કહ્યું કે, ‘મેં અમેરિકાના પ્રમુખ ડોનાલ્ડ ટ્રમ્પ સાથે વાત કરી છે અને તેઓ તાત્કાલિક અસરથી એક મહિના માટે મેક્સિકો પર ટેરિફ રોકવા સંમત થયા છે.’
મેક્સિકો સાથે શું સમજૂતી થઇ?
નોંધનીય છે કે, મેક્સિકોએ અમેરિકામાં ડ્રગ્સની દાણચોરી અટકાવવા માટે તાત્કાલિક 10,000 નેશનલ ગાર્ડ્સમેનને સરહદ પર તૈનાત કરવાનો પ્રસ્તાવ રજૂ કર્યો હતો. જે પછી ટ્રમ્પ મેક્સિકો સામે એક મહિના સુધી ટેરિફ રોકવા સંમત થયા છે. રાષ્ટ્રપતિ શેનબૌમે કહ્યું કે, ‘હું અને ટ્રમ્પ સંવાદ ચાલુ રાખવા માટે સંમત થયા છે, પરંતુ હાલ અમારી વચ્ચે મુલાકાતનું કોઈ આયોજન કરવામાં આવ્યું નથી.’ બીજી તરફ, ટ્રમ્પે પણ મેક્સિકન રાષ્ટ્રપતિ સાથેના આ ટૂંકા ગાળાના કરારની પુષ્ટિ કરી અને કહ્યું કે, ‘ટેરિફ તાત્કાલિક અસરથી એક મહિના માટે બંધ કરી દેવામાં આવ્યો છે.’
જસ્ટિન ટ્રુડો સાથે પણ વાત કરી
કેનેડાના વડા પ્રધાન જસ્ટિન ટ્રુડોએ ટ્રમ્પ સાથે ફોન પર વાતચીત બાદ જણાવ્યું હતું કે અમેરિકા દ્વારા કેનેડા પર લાદવામાં આવનાર ટેરિફ હાલ પૂરતો મુલતવી રાખવામાં આવ્યો છે. એક દિવસ પહેલા, અમેરિકાએ કેનેડા પર 25 ટકાનો જંગી ટેરિફ લાદ્યો હતો, જેનાથી વેપાર યુદ્ધનું જોખમ વધ્યું હતું. ટ્રુડોએ જણાવ્યું હતું કે ટ્રમ્પ દ્વારા ઉઠાવવામાં આવેલી સરહદી ચિંતાઓ પર ઓટ્ટાવા દ્વારા વધુ સહયોગનું વચન આપ્યા બાદ અને સરહદ સુરક્ષા પ્રયાસોને વેગ આપવા સંમત થયા બાદ યુએસ રાષ્ટ્રપતિ લગભગ 30 દિવસ માટે ટેરિફ સ્થગિત કરવા સંમત થયા હતા.
ટ્રમ્પનું વલણ કડક કેમ?
રાષ્ટ્રપતિ ડોનાલ્ડ ટ્રમ્પે ‘ટેરિફ વોર’ને ‘ડ્રગ વોર’ ગણાવ્યું હતું, તેમના જણાવ્યા મુજબ કેનેડા અને મેક્સિકોમાંથી અમેરિકામાં મોટી માત્રામાં ડ્રગ્સ સપ્લાય કરવામાં આવે છે. આના કારણે દર વર્ષે હજારો અમેરિકનો માર્યા જાય છે. ટ્રમ્પે મેક્સિકોની સાથે કેનેડા પર પણ 25 ટકા ટેરિફ લાદ્યો છે. આના જવાબમાં કેનેડાએ પણ અમેરિકન ઉત્પાદનો પર ભારે કર લાદવાની જાહેરાત કરી હતી.
ટ્રુડોએ ટ્રમ્પને જવાબ આપ્યો!
સોશિયલ મીડિયા પર કેનેડાના કાર્યકારી વડાપ્રધાન જસ્ટિન ટ્રુડોએ કહ્યું કે, ‘નોર્મેન્ડીથી લઇન કંદહાર સુધી, અમે દરેક સંઘર્ષમાં અમેરિકા સાથે લડ્યા છીએ અને બલિદાન આપ્યા છે. ઈરાની બંધક કટોકટી દરમિયાન 444 દિવસ સુધી, અમે અમારા દૂતાવાસમાંથી બંધકોને બચાવવા અને તમારા નિર્દોષ લોકો સુરક્ષિત રીતે ઘરે પહોંચી શકે તે સુનિશ્ચિત કરવા માટે દિવસ-રાત કામ કર્યું. માટે અમેરિકાએ અમારી સાથે ભાગીદારી કરવી જોઈએ, અમને સજા ન આપવી જોઈએ.’
અમેરિકા: રાષ્ટ્રપતિ ડોનાલ્ડ ટ્રમ્પ સત્તામાં આવતા જ તેમણે ગેરકાયદેસર ઇમિગ્રન્ટ્સ સામે કાર્યવાહી વધુ ઉગ્ર બનાવી દીધી છે. સોમવારે, અમેરિકાથી ગેરકાયદેસર ઇમિગ્રન્ટ્સને લઈને એક લશ્કરી વિમાન ભારત માટે રવાના થયું હતું. જે આજે રાત્રે ભારત પહોંચશે. એક આંતરરાષ્ટ્રીય સમાચાર એજન્સી અનુસાર, સોમવારે ગેરકાયદેસર ઇમિગ્રન્ટ્સને લઈને એક C-17 વિમાને ભારત માટે ઉડાન ભરી છે, પરંતુ તેને પહોંચવામાં ઓછામાં ઓછા 24 કલાક લાગશે.
જો કે, આ ફ્લાઇટમાં કેટલા લોકો સવાર હતા તેની પુષ્ટિ હજુ સુધી થઈ શકી નથી. ટ્રમ્પે અમેરિકાના ઇતિહાસમાં સૌથી મોટો દેશનિકાલ કરવાનું વચન આપ્યું હતું. આ પછી, ઇમિગ્રેશન અને કસ્ટમ્સ એન્ફોર્સમેન્ટ (ICE) એ 15 લાખ ગેરકાયદેસર ઇમિગ્રન્ટ્સની યાદી તૈયાર કરી હતી, જેમાં 18,000 ભારતીયોનો પણ સમાવેશ થાય છે.
અમેરિકામાં 7.25 લાખ ગેરકાયદેસર ભારતીય ઇમિગ્રન્ટ્સ છે
એક રિસર્ચ સેન્ટરના ડેટા અનુસાર, અમેરિકામાં લગભગ 7.25 લાખ ગેરકાયદેસર ભારતીય ઇમિગ્રન્ટ્સ રહે છે. આ આંકડો ગેરકાયદેસર ઇમિગ્રન્ટ્સની ત્રીજી સૌથી મોટી સંખ્યા છે. પ્રથમ સ્થાને મેક્સિકોના ઇમિગ્રન્ટ્સ છે અને બીજા ને અલ સાલ્વાડોરના ઇમિગ્રન્ટ્સ છે.
ગયા મહિને, ભારત સરકારે કહ્યું હતું કે ભારત હંમેશા અમેરિકામાં ગેરકાયદેસર રીતે રહેતા ભારતીય નાગરિકોને પાછા લેવા માટે તૈયાર છે. વિદેશ મંત્રી એસ. જયશંકરે કહ્યું હતું કે ભારત તપાસ કરી રહ્યું છે કે અમેરિકામાં કેટલા ભારતીયો ગેરકાયદેસર રીતે રહે છે અને તેમને પાછા મોકલી શકાય છે કે નહીં. જો કે, તેમણે એમ પણ કહ્યું કે આવા લોકોની ચોક્કસ સંખ્યા હજુ સુધી જાણી શકાઈ નથી.
જાન્યુઆરીમાં રાષ્ટ્રપતિ ટ્રમ્પે કહ્યું હતું કે વડા પ્રધાન નરેન્દ્ર મોદી આ મામલે યોગ્ય નિર્ણય લેશે અને અમેરિકામાં ગેરકાયદેસર રીતે રહેતા ભારતીય નાગરિકોને પાછા લેવાની જવાબદારી લેશે. આ નિવેદન બંને નેતાઓ વચ્ચેની ફોન વાતચીત પછી આવ્યું છે, જેમાં ઘણા મહત્વપૂર્ણ મુદ્દાઓ પર ચર્ચા કરવામાં આવી હતી.
માણસ માટે ઊંઘ એ પાયાની જરૂરિયાત છે. નિન્દ્રાદેવીને ખોળે લપાઈ જતો માણસ એની બધી જ વ્યથાઓ વિસરી જાય છે. ક્યારેક તો મીઠા સપના પણ માણે છે. ઊંઘ થાકને દૂર કરે છે એટલે ગાઢ નિન્દ્રામાં સારી જવું એ પરમ સમાધિની સ્થિતિ છે. અને સ્વાભાવિક રીતે જ સુખ આપે છે.
આથી ઊલટું માણસ મૃત્યુને ભેટે તે પહેલા અનેક પ્રકારની યાતનાઓ અનુભવે છે. મૃત્યુની કલ્પના ખૂબ જ બિહામણી છે. એટલે એમાં જે અનુભવ થાય તે ખુબ દુ:ખદ હોય છે એવી કલ્પના છે. આમ તો મૃત્યુને પરમ શાંતિની સમીપે લઈ જનારું કહ્યું છે પણ આ કહેવાતમાં મૃત્યુને અત્યંત ભયાનક ગણીને એના જેવું યાતનાદાયક બીજું કશું નથી એ સંદર્ભમાં ઉલ્લેખ થયો છે.
(ડો. જયનારાયણ વ્યાસ ગુજરાતના જાહેરજીવનનું એક ટોચનું નામ છે. ગુજરાત સરકારમાં કેબિનેટ મંત્રી તરીકે અનેક મહત્વની જવાબદારી સંભાળી ચૂકેલા જયનારાયણભાઇ નિષ્ણાત અર્થશાસ્ત્રી, ટેકનોક્રેટ અને કુશળ વક્તા હોવાની સાથે લોકપ્રિય લેખક પણ છે. ટેલિવિઝન એન્કર તરીકે પણ અર્થપૂર્ણ ચર્ચા યોજે છે. અહીં એ બાળપણમાં મા ના મુખેથી સાંભળેલી જાણીતી કહેવતોનો આસ્વાદ કરાવે છે.)
