તાજેતરમાં કોલ્ડપ્લે બેન્ડે તેનો ભારત પ્રવાસ પૂર્ણ કર્યો છે, જે દરમિયાન બેન્ડે અમદાવાદ અને મુંબઈમાં કોન્સર્ટનું આયોજન કર્યું હતું. આ પછી બેન્ડના ફ્રન્ટમેન અને સિંગર ક્રિસ માર્ટિન અને તેની ગર્લફ્રેન્ડ ડાકોટા જોહ્ન્સન પ્રયાગરાજમાં મહાકુંભ પહોંચ્યા અને તેમણે પવિત્ર ગંગામાં સ્નાન કર્યું હતું. જેનો વીડિયો આ દિવસોમાં સોશિયલ મીડિયા પર વાયરલ થઈ રહ્યો છે.
સોશિયલ મીડિયા પર વાયરલ થઈ રહેલા વીડિયોમાં ક્રિસ માર્ટિન અને ડાકોટા જોહ્ન્સન ગંગામાં ડૂબકી લગાવતા જોવા મળે છે. આ વીડિયો એક યુઝરે તેના સોશિયલ મીડિયા હેન્ડલ પર પોસ્ટ કર્યો છે, જેમાં તમે જોઈ શકો છો કે ક્રિસ અને ડાકોટા આ યુઝરની ખૂબ નજીક જોવા મળે છે. આ પોસ્ટમાં યુઝરે લખ્યું,’મેં કોલ્ડપ્લે કોન્સર્ટને બદલે કુંભ પસંદ કર્યો અને મહાદેવની કૃપાથી ગાયક ક્રિસ માર્ટિન પોતે મારી પાસે આવ્યા.’
વાયરલ વીડિયોના કેપ્શનમાં યુઝરે લખ્યું,“જ્યારે તમે કોન્સર્ટમાં જઈ શકતા નથી, ત્યારે તેઓ પોતે તમારી પાસે આવે છે. કુંભમાં કોલ્ડપ્લેના ક્રિસે અને ડાકોટા સાથે સંગમમાં સ્નાન કર્યું. તેમણે બધી સંસ્કૃતિઓ અને પરંપરાઓનું પાલન કર્યું. શ્રદ્ધા સૌથી ઉપર છે, હર હર મહાદેવ!”
View this post on Instagram
વાયરલ વીડિયો પર યુઝર્સે ઘણી પ્રતિક્રિયાઓ આપી છે, જેમાં એક યુઝરે લખ્યું છે કે ‘કોન્સર્ટ ફક્ત એક બહાનું હતું, કોલ્ડપ્લેને મહાકુંભમાં આવવું પડ્યું’ અને બીજા ઇન્સ્ટાગ્રામ યુઝરે લખ્યું છે કે ‘અહીં ઘણા લોકોને ખબર પણ નથી કે ડાકોટા જોહ્ન્સન કોણ છે.’
ડાકોટા અને ક્રિસ માર્ટિનની ભારત મુલાકાત
ભારતની મુલાકાત દરમિયાન ક્રિસ અને ડાકોટા જોહ્ન્સન મુંબઈના બાબુલનાથ મંદિરની મુલાકાત પણ લીધી હતી. પછી તેમણે ડાકોટા જોહ્ન્સન સોનાલી બેન્દ્રે અને ગાયત્રી જોશી સાથે સિદ્ધિવિનાયક મંદિરની મુલાકાત લીધી હતી.
