ઇજિપ્તના રાષ્ટ્રપતિ પ્રજાસત્તાક દિવસની ઉજવણીમાં બનશે ભારતના મુખ્ય અતિથિ !

ભારતે ઇજિપ્તના રાષ્ટ્રપતિ અબ્દેલ ફતાહ અલ-સીસીને ગણતંત્ર દિવસ પરેડ સમારોહમાં મુખ્ય અતિથિ તરીકે આમંત્રણ આપ્યું છે. અલ સીસી 2014 થી ઇજિપ્તના રાષ્ટ્રપતિ છે. ઇજિપ્ત આફ્રિકાની બીજી સૌથી મોટી અર્થવ્યવસ્થા છે. આ વર્ષે ભારત અને ઇજિપ્તે રાજદ્વારી સંબંધોની 75મી વર્ષગાંઠની ઉજવણી કરી છે.

પીએમ મોદી વડાપ્રધાન બન્યા પછી, ભારતે અમેરિકી રાષ્ટ્રપતિ બરાક ઓબામા (2015), ફ્રાંસના રાષ્ટ્રપતિ ફ્રાન્કોઈસ ઓલાંદ (2016)ને ગણતંત્ર દિવસની ઉજવણી માટે આમંત્રણ આપ્યું હતું. UAE ના મોહમ્મદ બિન ઝાયેદ અલ નાહયાન (2017), તમામ ASEAN નેતાઓ (2018), દક્ષિણ આફ્રિકાના સિરિલ રામાફોસા (2019) અને બ્રાઝિલના જેયર બોલ્સોનારો (2020) પણ પ્રજાસત્તાક દિવસની પરેડ જોવા માટે ભારતની મુલાકાતે આવ્યા છે.

વિદેશ મંત્રી અને સંરક્ષણ મંત્રી ઈજિપ્તની મુલાકાતે છે

વિદેશ મંત્રી એસ જયશંકર અને દેશના સંરક્ષણ મંત્રી રાજનાથ સિંહે આ વર્ષે ઈજિપ્તની મુલાકાત લીધી હતી. ઓક્ટોબરમાં મુલાકાત દરમિયાન, વિદેશ મંત્રી એસ જયશંકરે ટ્વીટ કર્યું હતું કે, “ઇજિપ્તના રાષ્ટ્રપતિ અબ્દેલ ફતેહ અલ-સીસીને મળીને સન્માનનીય છે. તેમને હાર્દિક અભિનંદન અને વડાપ્રધાન નરેન્દ્ર મોદી તરફથી વ્યક્તિગત સંદેશ આપ્યો. તે જ સમયે, રાજનાથ સિંહે તેમના ઇજિપ્તના સમકક્ષ જનરલ મોહમ્મદ ઝાકી સાથે પણ દ્વિપક્ષીય વાતચીત કરી હતી. તેઓએ સંયુક્ત તાલીમ, સંરક્ષણ સહ-ઉત્પાદન અને સાધનોની જાળવણી પર ધ્યાન કેન્દ્રિત કરવા માટે એક એમઓયુ પર પણ હસ્તાક્ષર કર્યા. સપ્ટેમ્બર 2016માં રાષ્ટ્રપતિ સિસી ભારતની મુલાકાતે આવ્યા હતા.

ઈજીપ્ત તેજસ ફાઈટર જેટ ખરીદવા ઈચ્છુક છે

ઈજિપ્તે ભારત પાસેથી તેજસ ફાઈટર જેટ ખરીદવાની ઈચ્છા વ્યક્ત કરી છે. અબ્દેલ ફતેહ અલ-સીસી ઓક્ટોબર 2015માં નવી દિલ્હીમાં ત્રીજા ઈન્ડિયા-આફ્રિકા ફોરમ સમિટમાં ભારતના વડાપ્રધાન નરેન્દ્ર મોદી (PM મોદી)ને પણ મળ્યા હતા.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]