મુંબઈ:બૉલિવૂડની પાવરફુલ અભિનેત્રી જેમની એક્ટિંગને કોઈ પરિચયની જરૂર નથી અને જે પોતાના બોલ્ડ વ્યક્તિત્વ માટે જાણીતી છે એવી રિચા ચઢ્ઢાને દીકરીના જન્મ પછી પહેલીવાર એક ખાસ એવોર્ડ ફંક્શનમાં જોવા મળી હતી. મહિલા સશક્તિકરણની એક ઈવેન્ટમાં અભિનેત્રી રિચા ચઢ્ઢાએ હાજરી આપી હતી. “આઈ એમ વુમન” એવોર્ડમાં હાજરી આપીને તેને કાર્યક્રેમને ખાસ બનાવ્યો હતો. અહીં તેણીને ‘વુમન ઓફ સબસ્ટન્સ એવોર્ડ’થી સન્માનિત કરવામાં આવી હતી.
કરણ ગુપ્તા એજ્યુકેશન ફાઉન્ડેશન (KGEF) અને IE યુનિવર્સિટી દ્વારા આયોજિત ઇવેન્ટની પાંચમી આવૃત્તિમાં મહિલાઓની સિદ્ધિઓ અને નેતૃત્વની અનોખી રીતે ઉજવણી કરવામાં આવી હતી. KGEF ના સ્થાપક અને IE યુનિવર્સિટીના મેનેજિંગ ડિરેક્ટર ડૉ. કરણ ગુપ્તાએ રિચા ચઢ્ઢાની સિદ્ધિઓ અને તેના અદભૂત અભિનયની પ્રશંસા કરી અને તેણીને આ પુરસ્કારની સાચી હકદાર ગણાવી. ગુપ્તાએ જણાવ્યું હતું કે, “રિચા ચઢ્ઢા એક અદ્ભુત મહિલા છે જે પોતાના મનની વાત કરવામાં ક્યારેય ડરતી નથી. તેણીની હિંમત અને વિશ્વાસ તેની ફિલ્મી કારકિર્દીથી આગળ વધે છે, કારણ કે તે મહિલાઓના અધિકારો અને સામાજિક ન્યાય માટે જુસ્સાથી હિમાયત કરે છે.”
આ પેનલમાં ડેલોઈટના મેનેજિંગ ડિરેક્ટર મિનલ દેશપાંડે, મહિલા અધિકારો માટે અગ્રણી વકીલ મૃણાલિની દેશપાંડે અને એબીડીએલના વાઇસ પ્રેસિડેન્ટ રેશમ છાબરિયા, ડિસેબિલિટી રાઈટ્સ એક્ટિવિસ્ટ સ્વર્ણલતા જે જેવી નોંધપાત્ર હસ્તીઓ સામેલ હતી. આ ચર્ચાઓ રોહિત રોય, ઝાયેદ ખાન અને મધુ શાહ જેવી પ્રભાવશાળી વ્યક્તિઓ દ્વારા સંચાલિત કરવામાં આવી હતી, જેમણે મહિલાઓની સિદ્ધિઓ અને પડકારોના ઉભરતા લેન્ડસ્કેપમાં મૂલ્યવાન આંતરદૃષ્ટિ પ્રદાન કરી હતી.
KGEF અને IE યુનિવર્સિટી વચ્ચેનો સહયોગ વૈવિધ્યતા, સમાવેશ અને મહિલા સશક્તિકરણને આગળ વધારવાની સહિયારી પ્રતિબદ્ધતાને પ્રકાશિત કરે છે, વધુ સમાવેશી અને સહાયક વૈશ્વિક સમુદાય બનાવવાનો પ્રયાસ કરે છે.
