રાજધાની દિલ્હીના ભારત મંડપમ ખાતે આયોજિત બ્રિક્સ સમિટ 2026 (BRICS Summit 2026) ના પ્રથમ દિવસના કાર્યક્રમો બાદ ભારત અને ચીન વચ્ચે એક અત્યંત મહત્વપૂર્ણ દ્વિપક્ષીય બેઠક યોજાઈ હતી. વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચે લગભગ 50 મિનિટ સુધી ચાલેલી આ ઉચ્ચ સ્તરીય વાર્તાલાપને બંને દેશોના સંબંધોમાં સુધારાની દિશામાં મોટું પગલું માનવામાં આવી રહ્યું છે. ઉલ્લેખનીય છે કે ગલવાન ઘાટીની ઘટના બાદ છેલ્લા 7 વર્ષમાં શી જિનપિંગની આ પ્રથમ ભારત મુલાકાત છે.
Delhi: Prime Minister Narendra Modi holds a bilateral meeting with Chinese President Xi Jinping on the sidelines of BRICS Summit 2026 pic.twitter.com/wBbj6IDy7d
— IANS (@ians_india) September 12, 2026
પીએમ મોદીએ ચીનનો આભાર માન્યો અને ‘ગ્લોબલ સાઉથ’ માટે રોડમેપ આપ્યો
બેઠકના પ્રારંભે પીએમ મોદીએ ભારતની બ્રિક્સ અધ્યક્ષતા દરમિયાન ચીન તરફથી મળેલા સમર્થન અને સહયોગ બદલ રાષ્ટ્રપતિ જિનપિંગનો આભાર માન્યો હતો. આ સાથે જ પીએમ મોદીએ વૈશ્વિક શાસનમાં સુધારા માટે 10 મહત્વપૂર્ણ સૂચનો રજૂ કર્યા હતા અને આગામી સમિટ સુધી ‘બ્રિક્સ સુધાર રોડમેપ’ તૈયાર કરવાની સલાહ આપી હતી. પીએમ મોદીએ ભારપૂર્વક જણાવ્યું કે વિકાસશીલ દેશોએ હવે માત્ર નિયમોનું પાલન કરવાના બદલે નિયમો ઘડવાની (Rule Shapers) ભૂમિકામાં આવવું પડશે.
શી જિનપિંગે સંયુક્ત વિકાસ અને વિશ્વ શાંતિ પર મૂક્યો ભાર
ચીનના રાષ્ટ્રપતિ શી જિનપિંગે પીએમ મોદીના વક્તવ્યનો પ્રતિસાદ આપતાં પરસ્પર વિકાસ અને સામૂહિક સફળતા પર ભાર મૂક્યો હતો. તેમણે જણાવ્યું કે ભારત અને ચીન વિશ્વની સૌથી મોટી વસતી ધરાવતા દેશો છે અને બંને મજબૂત આર્થિક વૈશ્વિકીકરણ તથા શાંતિ જાળવવા માટે મહત્વની ભૂમિકા ભજવી શકે છે. આ ઉપરાંત, પશ્ચિમ એશિયામાં ચાલી રહેલા ઇઝરાયેલ-ઇરાન સંઘર્ષ પર ચિંતા વ્યક્ત કરતા જિનપિંગે બ્રિક્સ દેશોને વિશ્વ શાંતિમાં પોતાનું યોગદાન આપવા અપીલ કરી હતી.
