નવી દિલ્હીઃ દેશમાં કોરોના વાઇરસના સંક્રમણને રોકવા માટે જારી રહેલા લોકડાઉનને સરકારે 30 જૂન સુધી વધારવાનો નિર્ણય લીધો છે. જોકે આ વખતે સરકારે કન્ટેનમેન્ટ ઝોન સિવાય અન્ય જગ્યાઓએ મોલ અને રેસ્ટોરાંને ખોલવાની મંજૂરી આપી દીધી છે. હવે આઠ જૂનથી મોલ અને રેસ્ટોરાં ખૂલી શકશે. ગૃહ મંત્રાલય (MHA)એ કન્ટેનમેન્ટ ઝોનથી બહારનાં ક્ષેત્રોને ફરીથી ખોલવા માટે નવા દિશા-નિર્દેશ જારી કર્યા છે. આ દિશા-નિર્દેશો પહેલી જૂન, 2020થી લાગુ પડશે અને 30 જૂન, 2020 સુધી અમલમાં રહેશે.
ગૃહ મંત્રાલયે કહ્યું હતું કે નવા દિશા-નિર્દેશ રાજ્યો અને કેન્દ્ર શાસિત પ્રદેશોની સાથે વ્યાપક વિચારવિમર્શને આધારે જારી કરવામાં આવ્યા છે. નવા દિશા-નિર્દેશો અનુસાર કન્ટેનમેન્ટ ઝોનથી બહાર એ બધી કામગીરી ફરીથી શરૂ થઈ શકશે, જેના પર અત્યાર સુધી પ્રતિબંધિત હતી, પણ એને તબક્ક્વાર રીતે ખોલવામાં આવશે.
દેશમાં વધુ છૂટછાટો સાથે લોકડાઉન વધારાયું
|
કોરોના વાઇરસના સંક્રમણને ફેલાવવાથી રોકવા માટે દેશભરમાં 25 માર્ચથી લોકડાઉન જારી છે. હાલ લોકડાઉનનો ચોથો તબક્કો જારી છે, જે 31 મેએ પૂરો થઈ રહ્યો છે.
