શ્રીનગરઃ બોલીવુડ અભિનેતા ઈમરાન હાશ્મી પર કશ્મીરમાં અમુક તોફાની તત્ત્વોએ હુમલો કર્યો હોવાનો અહેવાલ છે. હાશ્મી હાલ પહલગામમાં એની એક નવી ફિલ્મનું શૂટિંગ કરી રહ્યો છે. એ બાજુની માર્કેટમાં ફરતો હતો ત્યારે એની પર પથ્થર ફેંકવામાં આવ્યા હતા.
આ મામલે પહલગામ પોલીસ સ્ટેશનમાં એફઆઈઆર નોંધવામાં આવી છે. ઈમરાન હાશ્મી છેલ્લા કેટલાક દિવસોથી કશ્મીરમાં એની નવી ફિલ્મ ‘ગ્રાઉન્ડ ઝીરો’નું શૂટિંગ કરી રહ્યો છે.
