પશ્ચિમ હિમાલય ક્ષેત્રમાં બરફવર્ષાની સંભાવના: કેટલાક રાજ્યોમાં વરસાદની શક્યતા

નવી દિલ્હી: ઋતુનો મિજાજ હવે ધીમે ધીમે બદલાઈ રહ્યો છે. તાપમાનમાં સતત વધારો થઈ રહ્યો છે. પણ એક વખત ફરી હવામાન કરવટ લેવાની તૈયારીમાં છે. હવામાન વિભાગની ભવિષ્યવાણી અનુસાર, પશ્ચિમી હિમાલય ક્ષેત્રમાં 20થી 22 ફેબ્રુઆરી સુધીમાં બરફવર્ષા થવાની સંભાવના છે.

હવામાન વિભાગની ભવિષ્યવાણી અનુસાર ખાડી દ્વીપ પર ઉત્તર પશ્ચિમ ભારતના મેદાનો અને પૂર્વ અને પૂર્વોત્તર ભારતના કેટલાક ભાગમાં વરસાદ થવાની સંભાવના પણ છે. જો કે, અન્ય વિસ્તારોમાં સૂકું હવામાન રહેશે. એટલે આ સિવાયના રાજ્યોમાં વરસાદ નહીં પડે.

આગામી બે ત્રણ દિવસોમાં દિલ્હીમાં ઉચ્ચત્તમ તાપમાન 11 ડિગ્રી સેલ્સિયસ અને 26 ડિગ્રીની સેલ્સિયસની આસપાસ રહેશે. આ સાથે જ સવારના સમયે સામાન્ય ધુમ્મસ જોવા મળી શકે છે.

હવામાન એજન્સી સ્કાઈમેટ અનુસાર, પૂર્વ ભારતમાં એક ચક્રવાત પરિભ્રમણ આસામના પૂર્વ ભાગમાં સ્થિત છે. ઈશાન ભારતમાં ભેજનું પ્રમાણ વધી રહ્યું છે. આ જ કારણે અરુણાચલ પ્રદેશ, આસામ, મેઘાલય, નાગાલેન્ડ અને સિક્કિમના ના કેટલાક સ્થળો પર વરસાદ પડવાની સંભાવના છે.

તાપમાનમાં ઘટાડો

ઉત્તર રાજસ્થાન, દિલ્હી, હરિયાણની સાથે સાથે પંજાબના કેટલાક ભાગોમાં ઝડપી પવન ફૂંકાવાની શક્યતા છે. આ કારણે દિવસ અને રાત્રીનું તાપમાન સામાન્ય કરતા થોડું ઉપર રહેશે. જેમ જેમ ઉત્તર પશ્ચિમી દિશાથી પવનો ફૂંકાવા લાગશે તો ઉત્તરી મેદાની વિસ્તારોમાં આગામી 24 કલાક પછી બંને તાપમાનમાં એક-બે ડિગ્રીનો ઘટાડો થવાની સંભાવના છે.

મધ્ય ભારતમાં આવનારા એક વિરોધી ચક્રવાત દક્ષિણ-પશ્ચિમ મધ્ય પ્રદેશ અને ઉત્તરી મહારાષ્ટ્રમાં ફેલાયેલ છે. આ પ્રણાલીને ધ્યાનમાં રાખતા મધ્ય પ્રદેશ, છત્તિસગઢ, મહારાષ્ટ્ર, ગુજરાત અને રાજસ્થાનમાં વરસાદ નહીં પડે. જો કે ગુજરાતના કેટલાક ભાગોમાં વાદળ છાયું વાતાવરણ રહેવાની સંભાવના છે. જ્યારે રાજસ્થાનના પશ્ચિમ ભાગની સાથે સાથે ગુજરાત, ઉત્તર કોંકણ અને ગોવામાં દિવસ અને રાતના તાપમાનમાં ઘટાડો થઈ શકે છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]