આતંકીઓની મદદે આવેલા પાક. ડ્રોનને સુરક્ષા જવાનોએ તોડી પાડ્યું

નવી દિલ્હીઃ ભારત અને ચીન વચ્ચે તણાવના અહેવાલો વચ્ચે પાકિસ્તાન સરહદ પારથી ભારતીય ક્ષેત્રમાં હથિયારો પૂરા પાડવાનું કાવતરું ઘડી રહ્યું છે. ડ્રોનનો ઉપયોગ પાકિસ્તાની પ્રદેશથી ભારતીય ક્ષેત્રમાં શસ્ત્રો મોકલવા માટે કરવામાં આવી રહ્યો છે. કઠુઆ જિલ્લામાં આવું જ એક ડ્રોન ભારતીય સૈનિકોએ કબજે કર્યું છે.

બીએસએફના જવાનોએ કઠુઆના પાંસર વિસ્તારમાં શનિવારે સવારે આકાશમાં ઉડતું ડ્રોન જોયું હતું. સરહદ પારથી આવી રહેલા આ ડ્રોનની શંકાસ્પદ પ્રવૃત્તિને ધ્યાનમાં રાખીને બીએસએફએ તેને તાત્કાલિક પાડી દીધું હતું.

ડ્રોન જમીન પર પડ્યા બાદ ભારતીય સૈનિકોએ તેની સાથે એક બંદૂક બાંધેલી જોઇ હતી. સૈનિકોએ ઉચ્ચ અધિકારીઓને આ વિશે માહિતી આપી હતી. ડ્રોન સાથે મળી ગન પર યુ.એસ. સીલ છે, તેથી આશંકા છે કે તેને કોઈ આતંકવાદી પાસે લઈ જવા માટે ડ્રોનની મદદ લેવામાં આવી રહી છે.

ભારતીય જવાનોનું માનવું છે કે કાશ્મીરમાં કોઈપણ આતંકવાદી કાવતરું કરવા પાકિસ્તાનના જવાન સરહદ પરથી હથિયારોની સપ્લાય કરી રહ્યા છે. ટેરર લોન્ચ પેડ્સના વિનાશ બાદ પાકિસ્તાની આઈએસઆઈ હવે આ માટે ડ્રોનનો આશરો લઈ રહ્યો છે. એજન્સીઓના અધિકારીઓએ પાકિસ્તાનનું ડ્રોન કબજે કર્યું છે અને હવે તે કઠુઆ કયા વિસ્તારથી પહોંચ્યું છે શોધવા તપાસ કરવામાં આવી રહી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]