મુંબઈ: ચંદ્રની ધરતી પર દક્ષિણ બાજુએથી હજી સુધી કોઈ દેશનું અવકાશયાન ઉતરી શક્યું નથી. પરંતુ, ભારતનું ચંદ્રયાન-૩ અને રશિયાનું લૂના-૨૫ અવકાશયાન આ સિદ્ધિ હાંસલ કરવાના પ્રયાસમાં છે. આ માટે બંને વચ્ચે હરીફાઈ જામી છે.
લૂના-૨૫ની સંભવિત લેન્ડિંગ તારીખ ૨૧-૨૩ ઓગસ્ટ છે જ્યારે ચંદ્રયાન-૩ની તારીખ ૨૩-૨૪ ઓગસ્ટ છે. ચંદ્રયાન-૩ ગઈ ૧૪ જુલાઈએ ચંદ્રની સફર માટે રવાના થયું હતું અને પાંચ ઓગસ્ટે ચંદ્રની ભ્રમણકક્ષામાં પ્રવેશ કરવામાં સફળ થયું હતું.
ચંદ્રની પાંચમી અને આખરી કક્ષાને પાર કરવામાં એ ગઈ કાલે સફળ રહ્યું હતું.
