લદ્દાખઃ ભારતીય સેનાએ ચીનને એનો સૈનિક પરત કર્યો છે, જે વાસ્તવિક નિયંત્રણ રેખા (LAC) પાર કરીને લદ્દાખ આવી ગયો હતો. આ સૈનિક ફરતાં-ફરતાં પૂર્વ લદ્દાખના ચુમાર-ડેમચોક વિસ્તારમાં આવી ગયો હતો. ગઈ કાલે રાત્રે ચુશુલ મોલ્દોમાં બેઠક સ્થળ પર ચીની સેનાના કોર્પોરલ વાંગ હાં લોન્ગને ચીની સેનાને સુપરત કરવામાં આવ્યો હતો.
પૂર્વ લદ્દાખમાં સીમાવિવાદને લઈને ચાલી રહેલા ટેન્શન વચ્ચે ભારતીય સેનાએ ચીની સૈનિક પકડ્યો હતો. ચીનની પીપલ્સ લિબરેશન આર્મી (PLA)એ પણ આવાતની પુષ્ટિ કરી હતી કે એ સૈનિક રવિવારે રાતે સીમાની નજીક લાપતા થયો હતો.
ચીને ભારતીય સેનાને પ્રોટોકોલના હિસાબે પોતાનો સૈનિક પરત કરવા માટે વિનંતી કરી હતી. ભારતીય સેનાએ સોમવારે કહ્યું હતું કે સેનાએ પીપલ્સ લિબરેશન આર્મીના એક સૈનિકને પૂર્વ લદ્દાખના ડેમચોક સેક્ટરમાં સોમવારે પકડ્યો છે, જેની ઓળખ કર્નલના રૂપમાં થઈ હતી.
યાકની શોધમાં સીમા પાર
પશ્ચિમી થિયેટર કમાનના પ્રવક્તા કર્નલ ઝાંગ શુડલીએ સોમવાર રાતે લાપતા PLA સૈનિક પર એક નિવેદન જારી કર્યું હતું અને કહ્યું હતું કે અમારો એક સૈનિક એ સમયે લાપતા થયો હતો, જ્યારે તે 18 ઓક્ટોબરની રાતે એક ભરવાડ પોતાના યાકને શોધવામાં મદદ કરી કરી રહ્યો હતો. જોકકે તેણે પોતાના સૈનિકની ઓળખ નથી જાહેર કરી. પશ્ચિમી થિયેટર કમાનના પ્રવક્તા કર્નલ ઝાંગે નિવેદન કર્યું હતું કે આ ઘટનામાં ચીની સીમા સુરક્ષા સૈનિકોએ ભારતીય પક્ષને આ ઘટનાની સૂચના આપી હતી અને આશા વ્યક્ત કરી હતી કે ભારતીય પક્ષ ચીની સૈનિકની શોધવામાં અને તેને રેસ્ક્યુ કરવામાં મદદ કરશે.
