કોલકાતાઃ પશ્ચિમ બંગાળમાં થયેલા રેપ-હત્યા કેસમં RG કર કોલેજ એન્ડ હોસ્પિટલના ભૂતપૂર્વ પ્રિન્સિપાલ સંદીપ ઘોષના ત્યાં અલગ-અલગ સ્થાનોએ EDએ દરોડા પાડ્યા હતા. પ્રાપ્ત માહિતી અનુસાર EDની ટીમ હાવડા, સોનારપુર, અને હુગલી પહોંચી છે. હુગલીમાં ભૂતપૂર્વ પ્રિન્સિપાલ સંદીપ ઘોષની નજીકના સગાંસંબંધીના ઘર પણ દરોડામાં સામેલ છે. EDના આશરે 100ની ટીમ દરોડામાં સામેલ છે.
બીજી બાજુ, સુપ્રીમ કોર્ટે સંદીપ ઘોષની અરજી ફગાવી દીધી છે, જેમાં ઘોષે હાર્કોર્ટના આદેશને પડકારવામાં આવ્યો હતો. એ અરજીમાં કહેવામાં આવ્યું હતું કે હાઇકોર્ટે ભ્રષ્ટાચારની તપાસ CBIને સોંપતાં પહેલાં તેમનો પક્ષ નહોતો સાંભળવામાં આવ્યો. હાઇકોર્ટે મેડિકલ કોલેજમાં નાણાકીય અનિયમિતતાઓનો કેસ CBIને સોંપી દીધો હતો. એ આદેશની વિરુદ્ધ ઘોષે ચોથી સપ્ટેમ્બરે કોર્ટમાં અરજી દાખલ કરી હતી.
કોલકાતાની RG કર મેડિકલ કોલેજમાં મહિલા રેસિડેન્ટ ડોક્ટરની સાથે નવ ઓગસ્ટે બળાત્કાર પછી નિર્મમ હત્યા કરી દેવામાં આવી હતી. એ પછી આરોપી સંજય રોયની પોલીસે ધરપકડ કરી હતી. જોકે એ પછી CBIએ RG કર મેડિકલ કોલેજ અને હોસ્પિટલના ભૂતપૂર્વ પ્રિન્સિપાલ ડો. સંદીપ ઘોષ અને અન્ય ત્રણ જણની ધરપકડ કરી હતી. ધરપકડ કરવામાં આવેલા ત્રણ અન્ય લોકોમાં સુરક્ષા કર્મચારી અધિકારી અલી (44) અને હોસ્પિટલના વિક્રેતા બિપ્લવ સિંઘા (52) અને સુમન હજારા (46) હતા. આ લોકો હોસ્પિટલમને માલસામાન સપ્લાય કરતા હતા.
દેશભરમાં ખળભળાટ મચાવનારા આ કેસમાં પોલીસે સંજય રાયે સાત લોકોનો પોલિગ્રાફ ટેસ્ટ કરાવ્યો છે. આ ટેસ્ટમાં અનેક સવાલોના જવાબ મળ્યા છે, પણ તેમ છતાં અનેક રહસ્યો ઉકેલવાના CBIને બાકી છે. CBI તમામ પુરાવાને એકત્ર કરીને તપાસ કરવામાં લાગી છે.
