DTH  યુઝર્સને આંચકોઃ ટાટા સ્કાઈ, એરટેલે ફ્રી ચેનલ્સ બંધ કરી

નવી દિલ્હીઃ DTH યુઝર્સ માટે માઠા સમાચાર છે. દેશની બે મોટા DTH ઓપરેટર કંપની ટાટા સ્કાઈ અને એરટેલ ડિજિટલ ટીવીએ લોકડાઉનમાં ઓફર કરેલી ફ્રી સર્વિસિસ બંધ કરી દીધી છે. લોકડાઉનમાં યુઝર્સને કંટાળો ના આવે એટલે ટાટા સ્કાઈએ 10 ઇન્ટએક્ટિવ સર્વિસ (ચેનલ)ની શરૂઆત કરી હતી. આ સર્વિસિસ માટે યુઝર્સને કોઈ પણ ચાર્જ નહોતો ચૂકવવો પડતો. આવી જ રીતે એરટેલ પણ પોતાના યુઝર્સને વધારાનો ચાર્જ ચૂકવ્યા વિના ત્રણ સર્વિસ ઓફર કરી રહી હતી.

ટાટા સ્કાઈની આ ચેનલ ફ્રી હતી

કોરોના-લોકડાઉનની શરૂઆતમાં આ બંને ઓપરટર્સે કહ્યું હતું કે આ સર્વિસિઝ લોકડાઉન ખતમ થવા સુધી ઉપલબ્ધ રહેશે કંપનીએ લોકડાઉન દરમ્યાન યુઝર્સને ડાન્સ સ્ટુડિયો, ટાટા સ્કાઈ ફન લર્ન, સ્માર્ટ મેનેજર, વેદિક મેથ્સ, કુકિંગ ક્લાસરૂમ, બ્યુટી, જાવેદ અખ્તર અને ટાટા સ્કાઈ ફિટનેસ ચેનલ ફ્રીમાં ઓફર કરી રહી હતી. ટાટા સ્કાઈએ ફ્રી સર્વિસને ખતમ કરી રહી હોવાની સૂચના પોતાના યુઝર્સને આપવાની શરૂઆત કરી છે.

પ્રતિ મહિને રૂ. 60 ચૂકવવા પડશે

હવે આ ચેનલ્સ જોવા માટે યુઝર્સે પૈસા આપવા પડશે. ફિટનેસ અને ફન લર્ન માટે યુઝર્સે પ્રતિ મહિને રૂ. 60 ખર્ચ કરવો પડશે. બીજી બાજુ, વેદિક મેથ્સ અને સ્માર્ટ મેનેજર માટે કંપની દૈનિક ધોરણે રૂ. 10 ચાર્જ કરે એવી શક્યતા છે. આમાં એ યુઝર્સને રાહત આપવાના પ્રયાસો થઈ રહ્યા છે, જેઓ દુકાનો બંધ હોવાને કારણે પોતાનું ટાટા સ્કાઈ એકાઉન્ટ રિચાર્જ નથી કરાવી શકતા.

એરટેલે આ ત્રણ ફ્રી સર્વિસને બંધ કરી

એરટેલે એપ્રિલના પહેલા સપ્તાહમાં ત્રણ ફ્રી સર્વિસિસની શરૂઆત કરી હતી. આમાં યુઝર્સે ત્રણ સર્વિસ ચેનલ-આપકી રસોઈ, એરટેલ સિનિયર્સ ટીવી અને લેટ્સ ડાન્સને ફ્રી એક્સેસ કરી હતી. જોકે કંપનીએ ચોથી મેએ આ સર્વિસ ચેનલ્સની ફ્રી એક્સેસને બંધ કરી દીધી હતી. એરટેલ પોતાની સિનિયર ટીવી સર્વિસ માટે રૂ. બે, આપકી રસોઈ માટે રોજના રૂ. 1.5 અને લેટ્સ ડાન્સ માટે પણ રૂ. 1.6 લેતી હતી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]