નવી દિલ્હીઃ કોંગ્રેસ પાર્ટીએ કેન્દ્ર સરકાર પર મોટો આરોપ મૂક્યો છે. કોંગ્રેસ નેતા અજય માકને કહ્યું હતું કે યૂથ કોંગ્રેસનાં બેન્ક ખાતાં ફ્રીઝ કરી દેવામાં આવ્યાં છે. કોંગ્રેસ પાર્ટીનાં પણ ખાતાં સીઝ કરી દેવામાં આવ્યાં છે. ઇન્કમ ટેક્સે યૂથ કોંગ્રેસ અને કોંગ્રેસ પાર્ટી પાસેથી રૂ. 210 કરોડ રિકવરી માગી છે. ચૂંટણીથી ઠીક બે સપ્તાહ પહેલાં જ્યારે વિપક્ષનાં ખાતાં ફ્રીઝ કરી દેવામાં આવે તો એ લોકતંત્રને ફ્રીઝ કરવા બરાબર છે.
તેમણે વધુમાં કહ્યું હતું કે વર્ષ 2018-19ના ઇન્કમ ટેક્સ ફાઇલિંગને આધાર બનાવીને કરોડ રૂપિયા માગવામાં આવી રહ્યા છે. આ બહુ શરમની વાત છે. લોકતંત્રની હત્યા છે. કોંગ્રેસ પાર્ટી મેમ્બરશિપ ડ્રાઇવ દ્વારા યૂથ કોંગ્રેસથી નાણાં એકત્ર કરે છે ને એ પણ ફ્રીઝ કરી દેવામાં આવે છે.
हिंदुस्तान के अंदर लोकतंत्र पूरी तरह से खत्म हो चुका है।
देश की मुख्य विपक्षी पार्टी के सारे अकाउंट्स फ्रीज कर दिए गए हैं। कांग्रेस पार्टी के अकाउंट पर तालाबंदी कर दी गई है।
यह कांग्रेस पार्टी के अकाउंट्स फ्रीज नहीं हुए, हमारे देश का लोकतंत्र फ्रीज हो गया है।
: कांग्रेस… pic.twitter.com/5l0THSqk6s
— Delhi Congress (@INCDelhi) February 16, 2024
તેમણે કહ્યું હતું કે આ પૈસા કોર્પોરેટ જગતથી મળેલા પૈસા નથી. આ ક્રાઉડ ફન્ડિંગના પૈસા છે. એ પૈસા કેન્દ્ર સરકારે ફ્રીઝ કર્યા છે. તેમણે દાવો કર્યો હતો કે સામાન્ય ચૂંટણીની ઠીક પહેલાં ખાતાં ફ્રીઝ કરવાની કાર્યવાહીનો ઉદ્દેશ સંદેહ પેદા કરે છે.
