કોરોનાના 33,376 નવા કેસ, 308નાં મોત

નવી દિલ્હીઃ દેશમાં કોરોના વાઇરસના નવા કેસોમાં સાધારણ ઘટાડો નોંધાયો છે. આરોગ્ય મંત્રાલયે જારી કરેલા આંકડા મુજબ પાછલા 24 કલાકમાં 33,376 નવા કેસ સામે આવ્યા છે. છેલ્લા 24 કલાકમાં 308 લોકોનાં મોત થયાં છે. દેશમાં આ વાઇરસથી અત્યાર સુધી કુલ 3,32,08,330 લાખ લોકો સંક્રમિત થઈ ચૂક્યા છે અને અત્યાર સુધી 4,42,317 લોકોનાં મોત થયાં છે.

દેશમાં અત્યાર સુધી આ ખતરનાક બીમારીને 3,23,74,497 લોકો માત આપી ચૂક્યા છે. પાછલા 24 કલાકમાં 32,198 લોકો કોરોના સંક્રમણથી ઠીક થયા છે. જ્યારે હાલ દેશમાં આ વાઇરસના સંક્રમિત લોકોની સંખ્યા ચાર લાખથી નીચે છે. દેશમાં કુલ સક્રિય લોકોની સંખ્યા 3,91,516એ પહોંચી છે, રિકવરી રેટ વધીને 97.49 ટકાએ પહોંચ્યો છે. મૃત્યુદર ઘટીને 1.33 ટકા થયો છે.

કેન્દ્રીય આરોગ્ય મંત્રાલયના આંકડા ગઈ કાલે 15,92,135 લોકોનાં સેમ્પલનાં ટેસ્ટિંગ થયાં છે. દેશમાં અત્યાર સુધી 52.65 કરોડ કોરોનાના ટેસ્ટ કરવામાં આવ્યા છે.

દેશમાં 73.05 કરોડ લોકોનું રસીકરણ

દેશમાં અત્યાર સુધીમાં 73,05,89,688 લાખ લોકોને કોરોનાની રસી આપવામાં આવી ચૂકી છે. ગઈ કાલે 65,27,175 લોકોને રસી આપવામાં આવી હતી.

 દેશમાં કોરોના કેસોની રાજ્યવાર માહિતી નીચે મુજબ છે.

 

 

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]