મુંબઈઃ રાષ્ટ્રીય પાટનગર દિલ્હીને અત્યાર સુધી દેશનું સૌથી વધારે પ્રદૂષિત શહેર તરીકે ઓળખવામાં આવતું હતું, પણ હવે એનું સ્થાન દેશના આર્થિક પાટનગર મુંબઈએ લીધું છે. મુંબઈની હવાની ગુણવત્તા ગત્ ચોમાસાની ઋતુમાં સારી હતી, પરંતુ ચોમાસાએ વિદાય લેતાં જ શહેરની હવાની ક્વાલિટીમાં બગાડો થયો છે. મુંબઈ દેશનું સૌથી વધારે પ્રદૂષિત શહેર તરીકે ગણાવાઈ રહ્યું છે. ગઈ કાલે, મુંબઈનો એર ક્વાલિટી ઈન્ડેક્સ 111 AQI હતો. આની સરખામણીમાં દિલ્હીનો AQI 88 છે.
‘સફર’ નામક સંસ્થા દ્વારા હાલમાં જ દેશના મહત્ત્વના શહેરોમાં હવાની ગુણવત્તાનો અભ્યાસ હાથ ધરવામાં આવ્યો હતો. એના પરથી માલૂમ પડ્યું છે કે મુંબઈની હવામાં રજકણોનું પ્રમાણ વધી ગયું છે.
