‘ક્રાઇમ શો’ જોઈને 13 વર્ષના કિશોરનું અપહરણ

મુંબઈઃ શહેરના ઉપનગર મલાડમાં એક ‘ક્રાઇમ રિયાલિટી શો’થી પ્રેરિત થઈને અપહરણને કરવાનો મામલો સામે આવ્યો છે. રવિવારે બે લોકોએ 13 વર્ષના કિશોરનું અપહરણ કર્યું હતું. તેમણે આ અપહરણ બદલ બદલ રૂ. 10 લાખની ખંડણીની રકમ માગી હતી, પણ પોલીસે ત્રણ કલાકની અંદર તેમને મોબાઇલની મદદથી ઘરેથી પકડી પડ્યા હતા. પોલીસે જણાવ્યું હતું કે 13 વર્ષના કિશોરનું અપહરણ કરવા બદલ સાડાસાત કલાકે બે અપહરણકર્તાઓ શેખર વિશ્વકર્મા (35) અને દિવ્યાંશુ વિશ્વકર્મા (21)ની ધરપકડ કરી હતી, જ્યારે તે પોતાના ઘરની બહાર ઊભેલી રિક્શામાં રમી રહ્યો હતો.

અપહરણકર્તાઓએ કિશોરના પિતાને તેમના મોબાઇલ ફોન કર્યો હતો અને તેને છોડવા માટે રૂ. 10 લાખની ખંડણી માગી હતી. જોકે યુવકના પિતાએ તરત પોલીસનો સંપર્ક કર્યો હતો. જેથી બંનેના મોબાઇલની મદદથી વલ્નાઇ કોલોનીમાં ટ્રેક કર્યો. હતો. પોલીસ તપાસમાં તેમણે જણાવ્યું હતું કે તેમને આ આઇડિયા એક ફેમસ ક્રાઇમ રિયાલિટી શોથી આવ્યો હતો. પોલીસ અધિકારીએ જણાવ્યું હતું કે બંને આરોપીઓની સામે ભારતીય દંડ સંહિતા હેઠળની વિવિધ કલમો હેઠળ કેસ નોંધવામાં આવ્યો છે, જેમાં 363 અપહરણની કલમનો પણ સમાવેશ થાય છે.