અમદાવાદઃ રાજ્યમાં સરકારી નોકરી માટે લાખો યુવાનો લાઇનમાં હોય ત્યાં લેભાગુ તત્ત્વો દ્વારા લોકો સાથે છેતરપિંડી કરનારા લોકો સક્રિય થઈ જાય છે. અમદાવાદમાં એક વ્યક્તિ સાથે બોરસદના રહેવાસી નીલેશ મકવાણા અને આશિષ ક્રિશ્ચન નામની વ્યક્તિએ છેતરપિંડી કરી હતી. આ બંનેએ સરકારી નોકરીના નામે યુવાન પાસેથી 97,200 રૂપિયા પડાવી લીધા હતા. આ કૌભાંડ આચરનારાએ તમામ પૈસાનો વ્યવહાર ઓનલાઈન કરાવ્યો હતો. જેમાં પીડિતને GSRTC નો નકલી એપોઇમેન્ટ લેટર આપવામાં આવ્યો હતો. તેમણે અનેક યુવાનોને નકલી આઈકાર્ડ બનાવી આપી અંદાજિત 45 લોકો સાથે આ પ્રમાણે છેતરપિંડી કરી હતી.
પીડિતે આ છેતરપિંડી મામલે અમદાવાદના ખોખરા પોલીસ સ્ટેશનમાં ફરિયાદ નોંધવા અરજી આપી હતી. આ અરજીના બે મહિના બાદ વટવા GIDC પોલીસ સ્ટેશનમાં પોલીસ ફરિયાદ ગુનો નોંધવામાં આવ્યો નથી. આરોપી વિરુદ્ધ તમામ પુરાવા હોવા છતાં FIR દાખલ કરવામા આવતી, જેમાં ઉચ્ચ કક્ષાએ છેક અધિકારીઓથી મંત્રીઓ સુધી અરજી મોકલવાના બે મહીના ઉપર થઇ ગયા હોવા છતા આજદિન સુધી કોઈ પણ કાર્યવાહી થઈ નથી.
