શ્રી કૃષ્ણ જન્માષ્ટમી નિમિત્તે દેશભરમાં ભારે ઉત્સાહ છે. દિલ્હી-યુપીથી લઈને ગુજરાતના મથુરા સુધીના મંદિરોમાં ભક્તોનો ધસારો જોવા મળી રહ્યો છે. ભગવાન શ્રીકૃષ્ણનો જન્મ દ્વાપર યુગમાં ભાદ્રપદ માસના કૃષ્ણ પક્ષની અષ્ટમીની રાત્રે થયો હતો. શ્રી કૃષ્ણનો જન્મ રાત્રે થયો હતો તેથી રાત્રે જન્માષ્ટમી ઉજવવાની પરંપરા છે.
Shri Krishna Janmabhoomi Temple in #Mathura illuminated on the occasion of Shri Krishna Janmashtami#Janmashtami2024 pic.twitter.com/HFymS1X1he
— Mukut Chauhan🐦🇮🇳 (@mukutchauhan81) August 26, 2024
મથુરા-વૃંદાવન સહિત દેશભરના મુખ્ય કૃષ્ણ મંદિરોમાં જન્માષ્ટમીની ધામધૂમથી ઉજવણી કરવામાં આવી રહી છે. કાન્હાના જન્મ પછી મથુરાના જન્મભૂમિ મંદિરમાં મધરાતે 12 વાગ્યે ભગવાનનો પંચામૃત અભિષેક કરવામાં આવશે. તે જ સમયે, ગુજરાતના દ્વારકાધીશ મંદિરના દરવાજા સવારે 2.30 વાગ્યા સુધી ખુલ્લા રહેશે.
राजाधिराज द्वारकाधीश जी के संध्या आरती दर्शन 🙏
श्री द्वारकाधीश मंदिर द्वारका,गुजरात
दिनांक :- 26/08/2024 सोमवार #dwarka #sandhyaaarti#shreedwarkadhishjagadmandirdwarka pic.twitter.com/VGD32c94ri— Shree Dwarkadhish Jagad Mandir Dwarka (@DwarkaOfficial) August 26, 2024
યુપીના સીએમએ શ્રી કૃષ્ણ જન્મભૂમિ મંદિરમાં પૂજા અર્ચના કરી
મથુરા: ઉત્તર પ્રદેશના મુખ્યમંત્રી યોગી આદિત્યનાથે શ્રી કૃષ્ણ જન્માષ્ટમીના અવસર પર શ્રી કૃષ્ણ જન્મભૂમિ મંદિરમાં પૂજા અર્ચના કરી.
કૃષ્ણ જન્માષ્ટમી પર ઉજ્જૈનના મહાકાલેશ્વર ખાતે વિશેષ ભસ્મ આરતી કરવામાં આવી હતી
શ્રી કૃષ્ણ જન્માષ્ટમી 2024 લાઈવ આરતી: કૃષ્ણ જન્માષ્ટમીના અવસર પર, મધ્યપ્રદેશના ઉજ્જૈનમાં મહાકાલેશ્વર મંદિરમાં આજે વિશેષ ભસ્મ આરતી કરવામાં આવી હતી. બાબા મહાકાલ (ભગવાન શિવ)ને કાન્હા (શ્રી કૃષ્ણ) તરીકે શણગારવામાં આવ્યા હતા. ભક્તોએ મોડી રાત સુધી પ્રાર્થના કરી અને કેન્દ્રીય મંત્રી પ્રતાપરાવ જાધવે પણ ધાર્મિક વિધિઓમાં ભાગ લીધો.
જન્માષ્ટમીની ઉજવણી માટે મંદિરોમાં ભક્તો ઉમટ્યા
શ્રી કૃષ્ણ જન્માષ્ટમીના અવસર પર, ભક્તો સમગ્ર ભારતમાં ઉજવણી કરી રહ્યા છે. મંદિરોને રંગબેરંગી રોશની અને ફૂલોથી શણગારવામાં આવ્યા છે. અમદાવાદ અને મુંબઈમાં લોકો ઈસ્કોન મંદિરોમાં દર્શન અને આરતી માટે મોટી સંખ્યામાં ઉમટી પડ્યા હતા. મથુરામાં, જ્યાં કૃષ્ણએ તેમનું બાળપણ વિતાવ્યું હોવાનું માનવામાં આવે છે, ત્યાં 2000 થી વધુ કર્મચારીઓની તૈનાતી અને ડ્રોનનો ઉપયોગ સહિત વિસ્તૃત સુરક્ષા વ્યવસ્થા કરવામાં આવી હતી.
ભગવાન શ્રીકૃષ્ણના 5251માં જન્મોત્સવની અમદાવાદના ઈસ્કોન મંદિરમાં કરાશે ઉજવણી
ભગવાન શ્રીકૃષ્ણના 5251મો જન્મોત્સવને લઈને અમદાવાદના ઈસ્કોન મંદિરમાં ઉજવણી કરવામાં આવશે. હાલમાં અમદાવાદના કૃષ્ણ ભક્તો કૃષ્ણ ભક્તિમાં રંગાયા છે અને ભગવાનને ખાસ ફૂલોથી શ્રૃંગાર કરવામાં આવ્યો છે. વરસાદી માહોલની વચ્ચે ભક્તોમાં અનેરો ઉત્સાહ જોવા મળી રહ્યો છે. જન્માષ્ટમીને લઈને ભક્તોમાં ઉત્સાહનો માહોલ છએ અને ઈસ્કોન મંદિરમાં ભક્તોની ભારે ભીડ જોવા મળી રહી છે. ઉલ્લેખનીય છે કે મુખ્યમંત્રી ભુપેન્દ્ર પટેલ પણ અહીં દર્શન કરવા માટે આવશે.
તુલસીશ્યામ મંદિર ખાતે કૃષ્ણ જન્મોત્સવ મનાવવા ભક્તોમાં ભારે ઉત્સાહ
ગીર સોમનાથના અતિ પૌરાણિક શ્યામ ભગવાનના તુલસીશ્યામ મંદિર ખાતે કૃષ્ણ જન્મોત્સવ ખૂબ જ ધામધૂમથી ઉજવવામાં આવે છે, લોકો દૂર દૂરથી આ ઉત્સવ મનાવવામાં આવે છે. હાલ વરસાદની સિઝન હોવાના કારણે લોકો ઓછા આવી રહ્યા છે. પરંતુ આ ઉત્સવ મનાવવા માટે અનેક શ્રદ્ધાળુઓ તુલસીશ્યામ પહોંચ્યા છે, રાત્રે 12:00 વાગે કૃષ્ણ જન્મ અને મટકી ફોડનો ઉત્સવ આસ્થાભેર ઉજવવામાં આવે છે. પૂજારી સહિત શ્રદ્ધાળુઓએ પોતાની પ્રતિક્રિયાઓ આપતા જણાવ્યું કે આ આસ્થાનું પ્રતીક છે, અમે દર વર્ષે અહીંયા કૃષ્ણ જન્મોત્સવ મનાવવા માટે આવીએ છીએ અને લોકોની ભીડ ખૂબ જ જોવા મળતી હોય છે.
શામળાજીમાં ભક્તોની ભારે ભીડ
શામળાજીમાં ભક્તોની ભારે ભીડ જોવા મળી રહી છે. ભારે વરસાદની વચ્ચે ભક્તો શામળાજીમાં ભગવાનના દર્શન ઉત્સુક જોવા મળી રહ્યા છે અને ભારે વરસાદમાં પણ ભક્તો ગરબે ઘુમી રહ્યા છે.
