IPL 2025માં મુંબઈ ઈન્ડિયન્સનો મુકાબલો રોયલ ચેલેન્જર્સ બેંગ્લોર (RCB) સામે થશે. ટીમ ઈન્ડિયાના સ્ટાર બેટ્સમેન વિરાટ કોહલીએ આ મેચમાં ઈતિહાસ રચ્યો છે. તે ટી20માં 13000 રન બનાવનાર પ્રથમ ભારતીય બેટ્સમેન બન્યો છે. 36 વર્ષીય વિરાટ કોહલીએ 7 એપ્રિલ, સોમવારના રોજ વાનખેડે સ્ટેડિયમ ખાતે આરસીબી અને એમઆઈ વચ્ચે રમાયેલી આઈપીએલ 2025ની 20મી મેચમાં એક મોટી સિદ્ધિ હાંસલ કરી.
Fastest to 13000 T20 Runs (by Innings)
1⃣381 – Chris Gayle
2⃣386 – Virat Kohli
3⃣474 – Alex Hales
4⃣487 – Shoaib Malik
5⃣594 – Kieron Pollard#MIvsRCB #ViratKohli pic.twitter.com/3fHPIEIHsk— CricTracker (@Cricketracker) April 7, 2025
કોહલીએ T20 ક્રિકેટમાં 13,000 રન પૂરા કર્યા છે. આ રેકોર્ડ સૌપ્રથમ ક્રિસ ગેલે બનાવ્યો હતો, જ્યારે તેણે CPL 2019 માં જમૈકા તલ્લાવાહ્સ તરફથી બાર્બાડોસ ટ્રાઇડેન્ટ્સ સામે રમતી વખતે આ સિદ્ધિ મેળવી હતી. હવે કોહલીનું નામ T20 માં 13,000 રન બનાવનારા દિગ્ગજોની યાદીમાં પણ સામેલ થઈ ગયું છે. ક્રિસ ગેલ, એલેક્સ હેલ્સ, શોએબ મલિક અને કિરોન પોલાર્ડ જેવા ખેલાડીઓ પહેલાથી જ આ યાદીમાં સામેલ છે.
T20 ક્રિકેટમાં સૌથી ઝડપી 13,000 રન પૂર્ણ કરનાર બેટ્સમેન
ક્રિસ ગેલ
389 મેચોમાં 381 ઇનિંગ્સમાં આ રેકોર્ડ બનાવ્યો. તેણે સપ્ટેમ્બર 2019 માં બાર્બાડોસ ટ્રાઇડેન્ટ્સ સામે આ સિદ્ધિ મેળવી હતી.
વિરાટ કોહલી
403 મેચની 386 ઇનિંગ્સમાં આ આંકડો હાંસલ કર્યો. તેણે એપ્રિલ 2025 માં મુંબઈ ઈન્ડિયન્સ સામે આ સિદ્ધિ મેળવી હતી.
એલેક્સ હેલ્સ
478 મેચોમાં 474 ઇનિંગ્સમાં આ રેકોર્ડ બનાવ્યો. તેણે જાન્યુઆરી 2025 માં ફોર્ચ્યુન બારીશાલ સામે આ સિદ્ધિ મેળવી હતી.
શોએબ મલિક
526 મેચની 487 ઇનિંગ્સમાં આ સિદ્ધિ હાંસલ કરી. તેણે જાન્યુઆરી 2024 માં રંગપુર રાઇડર્સ સામે આ રેકોર્ડ બનાવ્યો હતો.
કિરોન પોલાર્ડ
668 મેચોમાં 594 ઇનિંગ્સમાં 13,000 રન પૂર્ણ કર્યા. તેણે જુલાઈ 2024 માં નોર્ધન સુપરચાર્જર્સ સામે આ સીમાચિહ્ન હાંસલ કર્યું.
IPLમાં 8,000 રન બનાવનાર વિરાટ કોહલી એકમાત્ર ખેલાડી
વિરાટ કોહલીએ IPLમાં 8,000 થી વધુ રન બનાવ્યા છે. આ લીગમાં આવું કરનાર તે પ્રથમ અને એકમાત્ર ખેલાડી છે. કોહલીએ અત્યાર સુધીમાં 256 IPL મેચ રમી છે, જેમાં તેની સરેરાશ 38 થી વધુ રહી છે. તેણે આ બધી મેચ ફક્ત RCB (રોયલ ચેલેન્જર્સ બેંગ્લોર) માટે રમી છે. આ સમયગાળા દરમિયાન, તેણે 8 સદી પણ ફટકારી છે, જે IPLમાં કોઈપણ ખેલાડી દ્વારા સૌથી વધુ સદી છે. રનના મામલે શિખર ધવન બીજા સ્થાને છે, જેણે અત્યાર સુધીમાં 6,769 રન બનાવ્યા છે.
