લોકડાઉનમાં ઢીલ આપતાં દેશોને WHOની ચેતવણી

ન્યુયોર્કઃ વિશ્વભરમાં કોરોના વાઇરસની વચ્ચે વિવિધ દેશોમાં લાગુ થયેલા લોકકડાઉનમાં હવે રાહતો આપવામાં આવી રહી છે. આને ધ્યાનમાં રાખતાં વિશ્વ આરોગ્ય સંસ્થા (WHO)એ ચેતવણી આપી છે. ફ્રાન્સ અને બેલ્જિયમને લોકડાઉનમાં આપેલી રાહત, નેધરલેન્ડ્સમાં બાળકોને ફરી શાળાઓમાં મોકલવાના લેવાયેલા નિર્ણય અને કેટલાંક અમેરિકી રાજ્યો દ્વારા વેપાર-વ્યવસાયો પર લગાવવામાં આવેલા પ્રતિબંધોને દૂર કરાયા તે સામે WHOએ ચેતવણી આપી હતી.

લોકડાઉન એકસાથે ખોલવું ઘાતક

WHOના અધિકારીઓએ સાવધ કરતાં કહ્યું હતું કે વ્યાપક પરીક્ષણ ના કરવાના અને સંક્રમિત લોકોને ટ્રેસિંગ કર્યા વિના ફરી એક વાર બધું જ એકસાથે શરૂ કરી દેવું એ ઘાતક થઈ શકે. જર્મનીમાં રાહત આપ્યા પછી ત્રણ કતલખાનામાં કોરોનાના કેસો નોંધાયા હતા. બીજી બાજુ ચીની શહેર વુહાન અને દક્ષિણ કોરિયાની નાઇટ ક્લબને સાંકળતા 85 કેસ મળ્યા હતા.

વિશ્વ આરોગ્ય સંસ્થાના ઇમર્જન્સી ચીફ ડો. માઇકલ રાયને કહ્યું છે કે જર્મની અને દક્ષિણ કોરિયા દ્વારા કોન્ટેક્ટ ટ્રેસિંગ કરવા માટે કરવામાં આવેલા ઉપાયોથી આશા છે કે તેઓ સ્થિતિ નિયંત્રણથી બહાર કાઢતાં પહેલાં ક્લસ્ટરથી માલૂમ કરી શકશે અને અટકાવી શકે છે. WHOએ કહ્યું હતું કે જે દેશ લોકડાઉનથી બહાર નીકળી રહ્યા છે અને એમણે નિયમો અનુસાર કોન્ટેક્ટ ટ્રેસિંગ ન કરી અને તેમને વધુ લોકોના સંપર્કમાં આવતાં પહેલાં ક્વોરોન્ટાઇન ન કર્યા –આવામાં જલદીમાં જલદી કાર્યવાહી કરવામાં આવવી જોઈએ. જોકે રાયને કોઈ પણ દેશનું નામ નથી લીધું.

વિશ્વભરમાં કોરોનાની સ્થિતિ

મંગળવાર સુધી વિશ્વભરમાં કોરોનાના 4,177,687 કેસ નોંધાયા છે, જેમાં 2,86,336 લોકોનાં મોત થઈ ચૂક્યાં છે.