વોશિંગ્ટનઃઅમેરિકાએ હવે ભારતને વિશ્વાસ અપાવ્યો છે કે એ સ્ટુડન્ટ વિઝા પર ભારતીય સ્ટુડન્ટ્સનાં સર્વોત્તમ હિતોનું ધ્યાન રાખશે અને F-1 વિઝા પર નવા નિયમના પ્રભાવને ઓછો કરવાના પ્રયાસો કરશે. ભારતે અમેરિકા સામે બે લાખ સ્ટુડન્ટ્સનો મુદ્દો ઉઠાવ્યો હતો, જેમનું ભવિષ્ય અમેરિકાના નવા નિયમોને કારણે જોખમમાં છે. અમેરિકાનું આ રિએક્શન વિદેશ સચિવ હર્ષવર્ધન શૃંગલા અને અમેરિકાના રાજકીય મામલાના વિદેશપ્રધાન ડેવિડ હેલીની વચ્ચે વર્ચ્યુઅલ વાતચીત દરમ્યાન આવ્યું છે.
વિદેશી સ્ટુડન્ટ્સને ઓનલાઇન ક્લાસિસની મંજૂરી નહીં
સંયુક્ત રાજ્ય અમેરિકાએ સોમવારે કહ્યું હતું કે જો કોરોના વાઇરસને કારણે વિદેશી સ્ટુડન્ટ્સના ક્લાસિસ ઓનલાઇન થઈ જશે તો તેમને દેશમાં રહેવાની મંજૂરી નહીં આપવામાં આવે. આ વિદેશી સ્ટુડન્ટ્સને દરેક સેમિસ્ટર માટે વિઝા નહીં મળે. અમેરિકામાં ઇમિગ્રેશન અને કસ્ટમ એનફોર્સમેન્ટના આ પગલાથી ઉચ્ચ શિક્ષણ લઈ રહેલા બે લાખથી વધુ ભારતીય સ્ટુડન્ટ્સને અસર થશે.
યુએસ ઇમિગ્રેશન એન્ડ કસ્ટમ્સ એનફોર્સમેન્ટ-ICFએ નિવેદનમાં કહ્યું હતું કે નોન ઇમિગ્રેડેન્ટ F-1 અને M-1 સ્ટુડન્ટ્સના ક્લાસિસ સંપૂર્ણ રીતે ઓનલાઇન સંચાલિત થાય છે તો તેમણે અમેરિકામાં રહેવાની જરૂર નથી. ICEના અનુસાર FE-1ના સ્ટુડન્ટ્સ શૈક્ષણિક કોર્સ અને M-1 સ્ટુડન્ટ્સ વોકેશનલ કોર્સ કરે છે.
સૂત્રોએ એ પણ કહ્યું હતું કે અમેરિકાએ આ બાબતે ધ્યાન આપવાની વાત કરી હતી. એ સાથે જ સ્ટુડન્ટ્સનાં હિતોનું ધ્યાન રાખતાં નવા નિયમોની અસરને ઓછા કરવાના પ્રયાસોનો વિશ્વાસ આપ્યો હતો. હાલ સ્ટુડન્ટ્સ વિઝાને લઈને ગાઇડલાઇન્સ પણ નથી આવી.
આ સિવાયના મુદ્દે પણ વિચારવિમર્શ
વિદેશ ઓફિસની સલાહ દરમ્યાન શૃંગલા અનમે હેલે રાજકીય, આર્થિક, વેપાર, ક્ષેત્રીય અને આંતરરાષ્ટ્રીય સહયોગ સહિત ભારત-અમેરિકા વચ્ચે વેપારની વૈશ્વિક વ્યૂહરચનાની ભાગીદારી હેઠળ અન્ય મુદ્દાઓની ચર્ચા પણ કરી હતી. એની સાથે બંને દેશો કોવિડ-19 રોગચાળાને લઈને ફાર્માસ્યુટિકલ અને વેક્સિનના ડેવલપમેન્ટ સહિત દ્વિપક્ષી આરોગ્ય ભાગીદારીને વધુ મજબૂત કરવા પર સહમત થયા હતા.
