જિનિવાઃ કોરોના વાઇરસના નવો ઓમિક્રોન વેરિયન્ટ ડેલ્ટાની તુલનાએ અનેક ગણો વધુ મ્યુટેશન થઈ રહ્યો છે. આ વાતનો ખુલાસો ઓમિક્રોનની સૌપ્રથમ વાર સામે આવેલા ફોટોથી થયો છે. રોમની બેમબિનો ગેસુ હોસ્પિટલે આ નવા વેરિયન્ટની સૌપ્રથમ વાર ફોટો પ્રકાશિત કર્યો છે. નવા વેરિયન્ટ પર રિસર્ચ કરતી ટીમે એક નિવેદનમાં કહ્યું હતું કે નવા ફોટોનું વિવિધ ત્રિ-ડાઇમેન્શલ રિસર્ચ કર્યા પછી ખબર પડી છે કે નવો વેરિયન્ટ ડેલ્ટાની સરખામણીએ કેટલાંય સ્વરૂપો બદલી રહ્યો છે. એ પ્રોટિનના ક્ષેત્રમાં હ્યુમન સેલ્સ સાથે જોડાણ કરે છે, એમ સંશોધનકર્તાઓની ટીમે એક નિવેદનમાં કહ્યું હતું. આ ઉપરાંત એ સતત મ્યુટેટ થઈ રહ્યો છે.
રિસર્ચ ટીમે જણાવ્યું હતું કે એનો અર્થ એવો નથી કે એ વધુ જોખમી છે કે ઓછો. વૈજ્ઞાનિકોએ જણાવ્યું છે કે આ વેરિયન્ટ ડેલ્ટા અથવા અન્ય કોઈ વેરિયન્ટની સરખામણીએ કેટલો જોખમી એ વિશે માહિતી મેળવવા માટેનું રિસર્ચ બાકી છે. આ રિસર્ચ પછી જ ખ્યાલ આવશે કે બોત્સાવાના અને દક્ષિણ આફ્રિકામાં સામે આવેલા વેરિયન્ટ વિશેના એક અભ્યાસના આધારિત આ ફોટો પ્રકાશિત કરવામાં આવ્યો છે.
Prima foto al mondo della variante #Omicron realizzata nell'area di ricerca di Medicina Multimodale del Bambino Gesù. Mostra la struttura della proteina spike della variante Omicron a destra e Delta a sinistra rispetto alla spike originale SARS CoV-2 #ANSA https://t.co/PtV3nk137S
— Agenzia ANSA (@Agenzia_Ansa) November 27, 2021
નવા વેરિયન્ટ પર વિશ્વ સ્વાસ્થય સંગઠન (WHO) પણ હાલ કઈ સ્પષ્ટ માહિતી આપી શકે એમ નથી. વૈજ્ઞાનિકોનું કહેવું છે કે અત્યારે હાલ જે પણ માહિતી મળી છે એ ખૂબ પ્રાથમિક છે. આ સંજોગોમાં કોઈપણ નિર્ણય પર પહોંચવા માટે રિસર્ચની જરૂર છે.
