સ્વીડનનાં પ્રથમ મહિલા-વડાંપ્રધાનની નિયુક્તિ, 7-કલાક બાદ રાજીનામું

સ્ટોકહોમઃ મેગડાલેના  એન્ડરસને ગઈ કાલે સ્વીડનનાં પ્રથમ મહિલા વડાં પ્રધાન તરીકે નિયુક્ત કરાયાનાં સાત કલાકોમાં જ રાજીનામું આપી દીધું હતું. દેશની સંસદમાં બજેટ દરખાસ્તોના મુદ્દે વિખવાદ ઊભો થતાં એમની હાર થઈ હતી. સંસદમાં વિરોધપક્ષે પણ બજેટની દરખાસ્તો રજૂ કરી હતી. મતદાનમાં વિપક્ષી દરખાસ્તની 154-143 મતોથી જીત થઈ હતી.

સ્વીડનમાં બે પાર્ટીએ સાથે મળીને સરકાર બનાવી હતી, પરંતુ એ લઘુમતીમાં હતી. એન્ડરસનની સોશિયલ ડેમોક્રેટિક પાર્ટીની ભાગીદાર ગ્રીન્સ સાથ છોડી જતાં એન્ડરસનને રાજીનામું આપી દેવું પડ્યું હતું. જોકે દેશના પ્રથમ મહિલા વડાં પ્રધાન બનવાનો એ ઈતિહાસ સર્જી ગયાં છે. તેઓ આ પૂર્વે નાણાં પ્રધાન હતાં.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]