લોકડાઉન ચાલુ રહેશે, પણ રાહતો અપાશેઃ બ્રિટિશ PM જોન્સન

લંડનઃ બ્રિટિશ વડા પ્રધાન બોરિસ જોન્સને કહ્યું છે કે દેશમાં કોરોના વાઇરસ લોકડાઉન તાત્કાલિક ઉઠાવવામાં નહીં આવે. બ્રિટનમાં પહેલી જૂન સુધી લોકડાઉન લંબાવવામાં આવ્યું છે. તેમણે કહ્યું હતું કે લોકડાઉનને સરળ બનાવવા માટે કેટલીક યોજનાઓ પર સરકાર કામ કરી રહી છે.  તેમણે કહ્યું હતું કે આ સપ્તાહ દરમ્યાન તો લોકડાઉન હટાવવામાં નહીં જ આવે. એના સિવાય અમે ઉપાયોને સંશોધિત કરવા માટેના કેટલાંક પ્રારંભિક મહત્ત્વનાં પગલાં ઉઠાવી રહ્યા છીએ.

ઓફિસ જવાની મંજૂરી

બોરિસ જોન્સને કહ્યું હતું કે જે લોકો ઘરેથી કામ નથી કરી શકતા, તેમને ઓફિસ જવાની મંજૂરી આપવામાં આવશે. તેમણે કહ્યું હતું કે જે લોકો કસરત અને સ્પોર્ટ્સ વગેરે કામગીરી માટે બહાર જઈ શકશે, પરંતુ ત્યારે પણ સોશિયલ ડિસ્ટન્સિંગનું પાલન કરવું પડશે.

લોકડાઉનમાં અનેક છૂટછાટ

તેમણે કહ્યું હતું કે તમે તમારા સ્થાનિક પાર્કમાં તડકામાં બેસી શકો છો. તમે ડ્રાઇવ કરીને એકથી બીજી જગ્યાએ જઈ શકો છો. તમે રમત રમી શકો છો, પણ માત્ર તમારા ઘરના સભ્યોની સાથે.

પાંચ સ્તરની એલર્ટ સિસ્ટમ

બ્રિટિશ વડા પ્રધાને એક પાંચ સ્તરની એલર્ટ સિસ્ટમ રાખી છે, જેનો ઉપયોગ સરકાર વૈજ્ઞાનિક ડેટાનો ઉપયોગ કરીને વાઇરસના પ્રસારના દરને મોનિટર અને ટ્રેક કરવા માટે કરશે, એને R દર કહેવામાં આવશે. બોરિસ જોન્સને પોતાની એલર્ટ સિસ્ટમના લેવલ વિશે જણાવતાં કહ્યું હતું કે લેવલ એકનો અર્થ એ છે કે આ બીમારી હવે બ્રિટનમાં મોજૂદ નથી. લેવલ પાંચ સૌથી ગંભીર છે. લોકડાઉન દરમ્યાન અમેલેવલ ચારમાં રહી રહ્યા છીએ અને તમારા ત્યાગ માટે ધન્યવાદ કે જેથી હવે આપણે લેવલ ત્રણમાં જવાની સ્થિતિમાં છીએ.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]