ન્યુ યોર્કઃ ગૂગલ ડૂડલે જાપાની શિક્ષક અને બાયોકેમિસ્ટ મિચિયો ત્સુજિમુરાની 133મી જન્મદિન પર તેમને શ્રદ્ધાંજલિ આપી છે. તેમની શોધ ગ્રીન ટીના ઘટકો પર કેન્દ્રિત હતી. ત્સુજિમુરા કૃષિમાં ડોક્ટરેટની ડિગ્રી મેળવનારી જાપાનની પહેલી મહિલા હતી. ગૂગલ ડૂડલે ત્સુજિમુરાનો ગ્રીન ટીના પૌષ્ટિક લાભોમાં અભૂતપૂર્વ શોધ માટે આભાર માન્યો હતો. વિજ્ઞાન પાસે એનો જવાબ છે કે ગ્રીન ટીનો સ્વાદ એટલો કડવો કેમ હોય છે, કેમ કે એ લાંબા સમય સુધી ડૂબેલી રહે છે.

ત્સુજિમુરાનો જન્મ 1888માં જાપાનના સૈતામા પ્રાંતના ઓકેગાવામાં આજના દિવસે થયો હતો. તેમણે પ્રારંભિક કેરિયરનો પ્રારંભ વિજ્ઞાનનું શિક્ષણ આપવામાં વિતાવ્યો હતો. તેમણે હોક્કાઇડો ઇમ્પિરિયલ યુનિવર્સિટીમાં એક વૈજ્ઞાનિક સંશોધનકર્તાના રૂપે તેમણે કામનો પ્રારંભ કર્યો હતો, જ્યાં તેમણે રેશમના કીડાઓના પોષણ ગુણોનું વિશ્લેષણ પર શોધ શરૂ કરી હતી.

કેટલાંક વર્ષો પછી ત્સુજિમુરા ટોક્યો યુનિવર્સિટીમાં જોડાયાં અને ડો ઉમેતારો સુઝુકીની સાથે ગ્રીન ટીના જૈવિક રસાયણ પર સંશોધન શરૂ કર્યું, જે વિટામિન B1ની શોધ માટે પ્રસિદ્ધ છે. તેમના સંયુક્ત શોધથી માલૂમ પડે છે કે ગ્રીન ટીમાં વિટામિન સી મહત્ત્વની માત્રા હોય છે. 1929માં તેમણે ટીના એક કડવા ઘટક કેટચેનને અલગ કરી દીધો. એ પછી તેમણે બીજા વર્ષે એના ટેનનને અલગ કર્યો અને તેમણે એ પણ જણાવ્યું કે એક કડવા યૌગિક છે. એ નિષ્કર્ષોએ તેમની ડોક્ટરેટ થિસિસ ઓન ધ કેમિકલ્સ ઓફ ગ્રીન ટીને આધાર બનાવ્યો. તેમણે 1932માં જાપાનની કૃષિની પહેલી મહિલા ડોક્ટરના રૂપે સ્નાતકની ડિગ્રી પ્રાપ્ત કરી. ડો. ત્સુજિમુરા 1950માં ટોક્યો વુમનની હાયર નોર્મલ સ્કૂલમાં હોમ ઇકોનોમિક્સના પહેલા ડીન પણ બન્યાં હતાં.