દુબઈઃ સંયુક્ત આરબ અમિરાતના દુબઈના એક જૂના વિસ્તારમાં એક પાંચ-માળવાળા રહેણાંક મકાનમાં આગ લાગતાં ઓછામાં ઓછા 16 જણનાં મરણ થયા છે અને બીજા 9 જણ જખ્મી થયા છે.
અખબારી અહેવાલ મુજબ, આગ ગઈ કાલે દુબઈના અલ રાસ વિસ્તારમાં આવેલા મકાનમાં લાગી હતી. આ વિસ્તાર ગીચ શેરીઓવાળો છે. આ જુનું દુબઈ કહેવાય છે. અહીં દુબઈ મસાલા બજાર પણ આવેલી છે. બાજુમાં જ દુબઈ ખાડી આવેલી છે જે પર્યટકો માટે આકર્ષણનું કેન્દ્ર છે.
