દુશાનબેઃ તાજિકિસ્તાનમાં શનિવારે ભૂકંપના આંચકા અનુભવાયા હતા. તાજિકિસ્તાનમાં આવેલા ભૂકંપની તીવ્રતા રિક્ટર સ્કેલ પર 5.9 માપવામાં આવી હતી. તાજિક ઇમર્જન્સી સ્થિતિની સમિતિ મુજબ ભૂકંપમાં પાંચ લોકોનાં મોત થયાં છે અને આ ભૂકંપનું કેન્દ્ર રાજધાની દુશાંબેથી 165 કિલોમીટર ઉત્તર-પૂર્વ હતું.
યુરોપિયન-મેડિટેરિયન સિસ્મોલોજિકલ સેન્ટરના જણાવ્યા મુજબ 5.9ની તીવ્રતાના ભૂકંપ તાજિકિસ્તાનમાં રશ્તથી 27 કિમી પૂર્વમાં આવ્યો હતો. એ ભૂકંપનું કેન્દ્રબિન્દુ 40 કિમી ઊંડું હતું અને તાજિકિસ્તાનના ખુજંદથી આશરે 153 કિમી દક્ષિણ પૂર્વમાં હતું. આ પહેલાં છઠ્ઠી જુલાઈએ પણ દેશમાં ભૂકંપના આંચકા અનુભવામાં આવ્યા હતા. એ વખતે ભૂકંપની તીવ્રતા ચારની માપવામાં આવી હતી, પણ એ વખતે કોઈ પણ પ્રકારનું જાનમાલનું નુકસાન નહોતું થયું.
