ઇસ્લામાબાદઃ આર્થિક તંગીથી ઝઝૂમી રહેલા પાકિસ્તાનમાં જનતા માટે દૈનિક જરૂરિયાત પૂરી કરવી મુશ્કેલ બની રહી છે. એક બાજુ જ્યાં મોંઘવારીએ 58 વર્ષનો રેકોર્ડ તોડી દીધો છે, ત્યારૈ બીજી બાજુ વિદેશી કરન્સી નામમાત્ર બચવાને કારણે પાકિસ્તાનનો વેપાર પણ ઠપ થઈ રહ્યો છે. પાકિસ્તાનની પાસે પેટ્રોલિયમ ઓઇલ- ગેસ ખરીદવાનું બજેટ નથી. આવામાં દેશ ફ્યુઅલ (ગેસ) સંકટથી ઝઝૂમી રહ્યો છે.
ફ્યુઅલની ખેંત વચ્ચે પાકિસ્તાનના પેટ્રોલિયમ રાજ્ય પ્રધાન મુસાદિક મલિકે જનતા માટે 24 કલાક ગેસ પુરવઠો પૂરો પાડવા માટે ના પાડી દીધી છે. તેમણે કહ્યું હતું કે જનતાને હવે 24/7 ગેસ નહીં મળી શકે. તેમણે કહ્યું હતું કે અમે 24 કલાક ગેસ ઉપલબ્ધ નથી કરાવી શકતા, કેમ કે અમારું રિઝર્વ ઓછું થઈ ગયું છે. તેમણે કહ્યું હતું કે સેહરી અને ઇફ્તાર દરમ્યાન ગેસ લોડ શેડિંગ પૂરું થઈ જશે.
મલિકે કહ્યું હતું કે ગેસ પુરવઠા મુદ્દાને હલ કરવા માટે તેઓ કરાચીની મુલાકાત લેશે. તેમણે કહ્યું હતું કે શ્રીમંતો અને ગરીબોનાં ગેસ બિલ અલગ કરી દેવામાં આવશે. શ્રીમંતોએ હવે ગેસના બિલની વધુ ચુકવણી કરવી પડશે. 
કરાચી ચેમ્બર ઓફ કોમર્સ એન્ડ ઇન્ડસ્ટ્રી (KCCI)એ કરાચી ઉદ્યોગોને ગેર પુરવઠાની અછત પર તત્કાળ સરકારી કાર્યવાહી કરવાની માગ કરતાં કહ્યું હતું કે ઉદ્યોગ વગર ગેસે કામ નહીં કરી શકે. એણે મજબૂરીમાં ત્પાદન અટકાવવું પડશે. KCCIના અધ્યક્ષ મોહમ્મદ તારિક યુસુફે કહ્યું હતું કે કરાચીના વેપારી સમુદાય પ્રત્યે આ પ્રકારનું વલણ યોગ્ય નથી, જે આટલી અડચણોનો સામનો કરવા છતાં નિકાસમાં આશરે 54 ટકા અને આવકમાં 68 ટકાથી વધુનું યોગદાન આપે છે.
