દર વર્ષે 28મી મેને મહિલા સ્વાસ્થ્ય માટે આંતરરાષ્ટ્રીય કાર્ય દિવસ (International day of Action for Women Health) તરીકે ઉજવવામાં આવે છે. ઘણી વખત ઘર અને ઓફિસની જવાબદારીઓ વચ્ચે મહિલાઓ પોતાના સ્વાસ્થ્યનું ધ્યાન રાખી શકતી નથી. સ્વાસ્થ્ય સંબંધિત નાની સમસ્યાઓને લાંબા સમય સુધી અવગણવી ઘણી મોટી સમસ્યાઓનું કારણ બની શકે છે. આ દિવસને વૈશ્વિક સ્તરે ઉજવવાનો હેતુ મહિલાઓને તેમના સ્વાસ્થ્ય પ્રત્યે જાગૃત કરવાનો છે.
આંતરરાષ્ટ્રીય મહિલા આરોગ્ય દિવસનો ઇતિહાસ
1987 માં વિમેન્સ ગ્લોબલ નેટવર્ક ફોર રિપ્રોડક્ટિવ રાઇટ્સ (WGNRR) ના સભ્યોએ કોસ્ટા રિકામાં એક પુનઃમિલન યોજ્યું, જેમાં 28 મેને મહિલા આરોગ્ય કાર્ય દિવસ તરીકે જાહેર કરવામાં આવ્યો. ત્યાર પછી દર વર્ષે 28 મેના રોજ આ દિવસની આંતરરાષ્ટ્રીય સ્તરે ઉજવણી થવા લાગી. વર્ષ 1999 માં તેને દક્ષિણ આફ્રિકાની સરકાર દ્વારા સત્તાવાર માન્યતા પણ આપવામાં આવી હતી.
આંતરરાષ્ટ્રીય મહિલા આરોગ્ય કાર્ય દિવસનો ઉદ્દેશ
આંતરરાષ્ટ્રીય મહિલા આરોગ્ય કાર્ય દિવસની ઉજવણીનો મુખ્ય ઉદ્દેશ્ય મહિલાઓમાં જાતીય અને પ્રજનન સ્વાસ્થ્ય વિશે જાગૃતિ વધારવાનો અને આ મુદ્દાઓ પર ખુલ્લી વાતચીતને પ્રોત્સાહિત કરવાનો છે. જીવનશૈલી અને આહારમાં જરૂરી ફેરફાર કરીને મહિલાઓ વૃદ્ધાવસ્થામાં પણ પોતાને સ્વસ્થ રાખી શકે છે.
આંતરરાષ્ટ્રીય મહિલા આરોગ્ય દિવસ 2024 ની થીમ
દર વર્ષે ઇન્ટરનેશનલ વુમન્સ હેલ્થ એક્શન ડે એક થીમ સાથે ઉજવવામાં આવે છે. વર્ષ 2024 ની થીમ છે “મોબલાઈઝિંગ ઈન ક્રિટિકલ ટાઈમ્સ ઓફ થ્રેટ અને અપોર્ન્યુટિઝ.” આ થીમ મહિલાઓને મુશ્કેલ સમયમાં એક થવાનો સંદેશ આપે છે.
આ પ્રસંગે મહિલાઓ માટે અનેક પ્રકારના કાર્યક્રમોનું આયોજન કરવામાં આવે છે, જેમાં તેમને સ્વસ્થ રાખવાની રીતો સમજાવવામાં આવે છે. સ્ત્રીઓમાં થતા સામાન્ય રોગોથી સુરક્ષિત રહેવાની રીતો સાથે સમજાવવામાં આવે છે.
