ઉનાળાનું વેકેશન પૂર્ણ થયું. ગુજરાત રાજ્ય શૈક્ષણિક બોર્ડ હેઠળ આવતી મોટાભાગની શાળાઓનું શૈક્ષણિક સત્ર સોમવાર 9 જૂનથી શરૂ થઈ ગયું. સરેરાશ 35 જેટલા દિવસની રજાઓ પછી શાળાઓ ખુલતાં જ વિદ્યાર્થીઓના કોલાહલથી કેમ્પસ ગુંજી ઉઠ્યા હતા.
રાજ્યમાં ગુજરાત બોર્ડ હેઠળ ધોરણ 1 થી 12 માં સરકારી, ગ્રાન્ટેડ , ખાનગી એમ 53 હજાર જેટલી શાળાઓ છે. જેમાં 1 થી 12 માં એક કરોડ જેટલા વિદ્યાર્થીઓ અભ્યાસ કરે છે.
રાજ્યમાં ગુજરાત રાજ્ય બોર્ડ સાથે સીબીએસઈ બોર્ડની પણ શાળાઓ છે. કેટલીક શાળાઓનું શૈક્ષણિક સત્ર શરૂ થઈ ગયું છે. જ્યારે કેટલીક શાળાઓમાં 15 જૂન સુધીમાં શૈક્ષણિક કાર્ય શરૂ કરી દેવામાં આવશે.
ઉનાળુ વેકેશન પછી સ્ટેશનરી માર્કેટ, સ્કૂલ યુનિફોર્મ અને નોટ ચોપડીઓનું બજારમાં તેજી આવી ગઈ છે. બીજી તરફ શાળાઓ શરૂ થતાં જ કેટલાક શૈક્ષણિક સંકુલમાં એ પરંપરાગત રીતે વિદ્યાર્થીઓને આવકાર્યા હતાં.
(પ્રજ્ઞેશ વ્યાસ)
