નવી દિલ્હીઃ ગુજરાતમાં પાટીદાર નેતા હાર્દિક પટેલે કોંગ્રેસ છોડીને ભાજપમાં જોડાનારા અલ્પેશ ઠાકોર પર નિશાન સાધ્યું છે. કોંગ્રેસ નેતા હાર્દિક પટેલે સોશિયલ મીડિયા પોસ્ટ દ્વારા અલ્પેશ ઠાકોરને વર્ષ 2017 માં યોજાયેલી વિધાનસભા ચૂંટણીમાં પાર્ટીની હાર માટે જવાબદાર ગણાવ્યા છે.
હાર્દિકે આરોપ લગાવ્યો કે અલ્પેશ ઠાકોર કોંગ્રેસમાં ભાજપના રાષ્ટ્રીય અધ્યક્ષ અમિત શાહ દ્વારા મોકલવામાં આવેલા એક વ્યક્તિના રુપમાં કામ કરી રહ્યા હતા. હાર્દિકે જણાવ્યું કે ભાજપે પોતે પણ અનુમાન લગાવ્યું હતું કે કોંગ્રેસને વિધાનસભા ચૂંટણીમાં તેમનાથી વધારે સીટો મળશે.
હાર્દિકે આરોપ લગાવ્યો કે શાહે જ કલ્પેશને કોંગ્રેસ નેતૃત્વમાંથી ચૂંટણી લડવા માટે 10 સીટોની માંગ કરવા માટે કહ્યું હતું. આવી સ્થિતીમાં કોંગ્રેસ બહુ ઓછા બહુમતથી જીતતી. શાહના ઈશારા પર જ કલ્પેશ પોતાના સમર્થકો સાથે ભાજપમાં જોડાયા.
હાર્દિક અનુસાર કલ્પેશે વર્ષ 2017 માં પાર્ટીના કોઈપણ અન્ય ઉમેદવાર માટે ચૂંટણી પ્રચાર કર્યો નહોતો. માત્ર આટલું જ નહી પરંતુ ભાજપે અલ્પેશ વિરુદ્ધ કમજોર ઉમેદવાર મેદાને ઉતાર્યો હતો. ઓબીસી નેતા અલ્પેશ ઠાકોરે લોકસભા ચૂંટણી પહેલા જ ભાજપને સાથ આપ્યો હતો. તેમણે ધારાસભ્ય પદેથી પણ રાજીનામું આપી દીધું હતું.
કલ્પેશના કોંગ્રેસ છોડવા પર હાર્દિકે કહ્યું હતું કે પાર્ટીએ અલ્પેશને ખૂબ ઈજ્જત અને તાકાત આપી હતી પરંતુ તેઓ તેને સાચવી ન શક્યા. અલ્પેશ વર્ષ 2017 માં કોંગ્રેસમાં જોડાયા હતા. આશરે 18 મહિના સુધી કોંગ્રેસમાં રહ્યા બાદ તેમણે પાર્ટીના તમામ પદો પરથી રાજીનામું આપી દીધું હતું.
