ગુજરાત પણ કોરોનાની ઝપટેઃ પાંચ કેસ

અમદાવાદઃ રાજ્યમાં કોરોના વાઇરસના પાંચ કેસ નોંધાયા છે. રાજ્યમાં કોરોના વાઇરસના પોઝિટિવ કેસની સંખ્યા ગઈ કાલે બે હતી, એ એક દિવસમાં જ વધીને આજે પાંચ થઈ ગઈ છે. અમદાવાદની બે મહિલા અને વડોદરાના એક યુવાનનો રિપોર્ટ પોઝિટિવ આવ્યો છે. અમદાવાદમાં જેમના રિપોર્ટ પોઝિટિવ આવ્યા છે તેમાંથી એક યુવતી ન્યુ યોર્કથી આવી હતી, જ્યારે બીજી મહિલા ફિનલેન્ડથી આવી હતી. જ્યારે વડોદરામાં જેનો રિપોર્ટ પોઝિટિવ આવ્યો છે તે યુવાન સ્પેનથી આવ્યો હતો. આ અંગેની જાહેરાત કરતાં રાજ્યનાં આરોગ્ય કમિશનર જયંતિ રવિએ જણાવ્યું છે કે અત્યાર સુધી ગુજરાતમાં જે પણ કોરોના પોઝિટિવ કેસ આવ્યા છે એ બધા વિદેશથી આવેલી વ્યક્તિના છે, કોઈ સ્થાનિક રહેવાસીના કેસ પોઝિટિવ આવ્યો નથી.

જોકે સમગ્ર દેશમાં કોરોના વાઇરસના વધીને 206 કેસ થયા છે, જ્યારે વિશ્વભરમાં કોરોના વાઇરસથી 10,000થી વધુ લોકોનાં મૃત્યુ થયાં છે. અમદાવાદમાં પોશ વિસ્તારની સોસાયટીમાં રહેતી 22 વર્ષની યુવતી જે ન્યુ યોર્કથી પરત ફરી છે, એનો રિપોર્ટ પોઝિટિવ આવ્યો છે. જ્યારે રાજકોટમાં એક 32 વર્ષીય યુવક કે જે સાઉદી અરેબિયાથી પાછો ફર્યો છે અને સુરતમાં 21 વર્ષીય યુવતી જે લંડનથી પરત ફરી છે –એમના રિપોર્ટ પોઝિટિવ આવ્યા છે.

અમદાવાદ –22 વર્ષની પેશન્ટ કે જે હાલમાં અમેરિકાથી રવિવારે પરત ફરી છે. જે ફ્લાઇટમાં બેસતાં પહેલાં ન્યુયોર્કમાં તેની મિત્રને મળી હતી, તેનો રિપોર્ટ પોઝિટિવ આવ્યો છે.રાજકોટ- 32 વર્ષનો યુવક તે કે તેના 10 સગાંસબંધી સાથે મદિના ગયો હતો, એ મુંબઈ પહોચ્યા પછી સૌરાષ્ટ્ર જનતા એક્સપ્રેસમાં બાંદરાથી રાજકોટ નવ માર્ટે આવ્યો હતો, તેને ક્વોરિન્ટાઇનમાં રાખવામાં આવ્યો છે.સુરતઃ 21 વર્ષીય યુવતી જે મુંબઈ એરપોર્ટથી સુરત તેનાં માતાપિતા સાથે પ્રવાસ કર્યો હતો. તેના ફેમિલીના સભ્યો અને તેના ઘરે કામ કરતા સભ્યોને પણ તપાસવામાં આવ્યા છે.

આમ ગુજરાતમાં  કોરોના વાઇરસના પાંચ પોઝિટિવ કેસ નોંધાયા છે.

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]