અમદાવાદઃ ગુજરાતમાં સરકારી નોકરી માટે આયોજિત ભરતી પરિક્ષાને લઈને કોંગ્રેસે સરકાર પણ ઘણા સવાલો ઉઠાવ્યા છે. સીસીટીવી ફૂટેજ સાર્વજનિક કરીને કોંગ્રેસે કહ્યું કે પ્રશ્નપત્ર લીક થઈ ગયું તેમજ મોબાઈલ દ્વારા પરિક્ષાર્થીઓ નકલ કરી રહ્યા હતા. તો સરકારે આરોપોને નકારતા જણાવ્યું કે હજારો પડદાઓ પર અત્યારસુધી ભરતી થઈ છે, અને બધામાં પૂર્ણતઃ પારદર્શિતા રાખવામાં આવી છે.
ગુજરાત કોંગ્રેસના અધ્યક્ષ અમિત ચાવડાએ જણાવ્યું કે ગત દિવસોમાં બિનસચિવાલય ક્લાર્ક અને સચિવાલય સહાયકના પદો પર ભરતી માટે આયોજિત લિખિત પરીક્ષામાં પરિક્ષાર્થીઓ મોબાઈલથી ચોરી કરી રહ્યા હતા. પ્રશ્નપત્ર પરિક્ષા દરમિયાન જ લીક થયું જેનાથી ઘણા પરિક્ષાર્થી મોબાઈલથી ચોરી કરી રહ્યા હતા. કોંગ્રેસે પોતાના આરોપોની પુષ્ટી માટે સુરેન્દ્રનગર અને બનાસકાંઠાના કેટલાક પરિક્ષા કેન્દ્રોના વીડિયો ફૂટેજ પણ જાહેર કર્યા.
પરિક્ષા આયોજિત કરનારી સંસ્થા ગુજરાત ગૌણ સેવા પસંદગી મંડળના અધ્યક્ષ અસિત વોરાએ પલટવાર કરતા કહ્યું કે કોંગ્રેસના તમામ આરોપો પાયાવિહોણા છે. કોંગ્રેસને હવે યુવાનોને ગેરમાર્ગે દોરવાનું બંધ કરવું જોઈએ. વોરાએ કહ્યું કે કોંગ્રેસ જે વીડિયો ફૂટેજ દર્શાવી રહી છે તે સુરેન્દ્રનગરના વઢવાણ કેન્દ્ર સી.યૂ. શાહ કોલેજનો છે જેની પારદર્શિતા સાથે તપાસ કરાવીને યોગ્ય કાર્યવાહી કરવામાં આવશે.
તેમણે કહ્યું કે સરકારે અત્યારસુધી આશરે એક લાખ 20 હજાર યુવક અને યુવતીઓને સરકારી સેવાઓ સાથે જોડ્યા છે. તો ગુજરાત ગૌણ સેવા પસંદગી મંડળ દ્વારા પણ 25000 યુવાનોની ભરતી સરકારી સેવાઓમાં કરવામાં આવી છે. આ તમામ ભરતીઓમાં પૂર્ણતઃ પારદર્શિતા રાખવામાં આવી છે. કોંગ્રેસ રાજ્યના યુવાનોને ગેરમાર્ગે દોરવાના પ્રયાસો કરી રહી છે.
ઉલ્લેખનીય છે કે તાજેતરમાં જ ગુજરાત સરકારે રાજ્યમાં બેરોજગારી ઓછી હોવાનો દાવો કર્યો છે. રાજ્ય સરકાર અનુસાર રાજ્યના યુવાનોને રોજગારી મળી રહી છે. એટલા માટે અહીંયા બેરોજગારી ઓછી થઈ છે.
