અમદાવાદઃ રાજ્ય વિધાનસભાની ચૂંટણીમાં ટિકિટ નહીં મળતાં નારાજ નેતાઓમાં પાર્ટી બદલવાનો દોર ચાલી રહ્યો છે. રાજ્યમાં ખેડામાં માતર વિધાનસભા ક્ષેત્રના હાલના વિધાનસભ્ય કેસરીસિંહ સોલંકીએ ભાજપને ટિકિટ નહીં આપી તો તેઓ આમ આદમી પાર્ટીમાં સામેલ થયા છે.
રાજ્યમાં આમ આદમી પાર્ટીના પ્રદેશાધ્યક્ષ ગોપાલ ઇટાલિયાએ ઓબીસી નેતા કેસરીસિંહ સોલંકીનું પાર્ટીમાં ભવ્ય સ્વાગત કર્યું છે અને એક ટ્વિટર પોસ્ટમાં એની જાહેરાત કરી છે. જોકે આપ પાર્ટીએ માતર સીટથી મહિપતસિંહ ચૌહાણને ચૂંટણી મેદાનમાં ઉતાર્યા છે.
માતર વિધાનસભાના ભાજપના બીજી ટર્મના ધારાસભ્ય માનનીય શ્રી કેસરીસિંહ સોલંકીનું આમ આદમી પાર્ટીમાં ખુબ ખુબ સ્વાગત છે.
गुजरात की मातर विधानसभा से भाजपा विधायक श्री केसरीसिंह सोलंकी जी आज आम आदमी पार्टी में शामिल हो रहे हैं। उनका आम आदमी पार्टी के परिवार में बहुत बहुत स्वागत है। pic.twitter.com/GvQLhZPhti
— Gopal Italia (@Gopal_Italia) November 10, 2022
કેસરીસિંહ સોલંકી રાજ્યની માતર સીટથી ભાજપના વિધાનસભ્ય છે. તેઓ બે વાર ભાજપની ટિકિટ પર ચૂંટણી જીતીને વિધાનસભા પહોંચ્યા છે. કેસરી સિંહ સોલંકી 2017ની વિધાનસભાની ચૂંટણીમાં માતરથી ભાજપના ઉમેદવાર હતા. તેમણે કોંગ્રેસના ઉમેદવાર સંજય પટેલની સામે 2406 મતોથી આ બેઠક જીતી હતી. તેઓ પોતાનાં કામોને વિવાદોમાં રહે છે. પોલીસે 2021માં કેસરીસિંહને પાવાગઢમાં દારૂની પાર્ટી અને જુગાર રમતા પકડ્યા હતા. આ મામલે કોર્ટે તેમને બે વર્ષની જેલની સજા પણ આપી હતી. આ ઉપરાંત કોર્ટે તેમને રૂ. 4000નો દંડ પણ ફટકાર્યો હતો.
