અમદાવાદઃ કોન્ફેડેરેશન ઓફ ઇન્ડિયન ઇન્ડસ્ટ્રીઝ (CII)ની ગુજરાત સ્ટેટ કાઉન્સિલે એજ્યુકેશન પેનલમાં વર્ષ 2024-25 માટે અમદાવાદના MICAનાં ડીન ડો. ગીતા હેગડેની કો-કન્વીનર તરીકે નિમણૂક કરી છે. 
ડો. હેગડે CII ગુજરાત સ્ટેટ કાઉન્સિલની કામગીરીની સક્ષમ કરવા, સંચાલન વિકાસ અને સંશોધન કરવા અને નીતિઓની ભલામણ કરવામાં સહકાર પૂરો પાડશે.
તેમની નિમણૂક વિશે તેમણે જણાવ્યું હતું કે CII ગુજરાત સ્ટેટ કાઉન્સિલની શૈક્ષણિક પેનલ પર કો-કન્વીનર તરીકે નિયુક્તિ થવી એ એ મારા માટે ગૌરવની વાત છે. આ નિમણૂકના માધ્યમથી હું શિક્ષણ, નીતિઓ અને રાજ્યના શૈક્ષણિક ક્ષેત્રમાં સહયોગ કરવા માટે ઉત્સાહિત છું. અમારું ધ્યાન વિવિધ સ્ટેકહોલ્ડરો સાથેના સમન્વય સાધવા માટે વિવિધ જાગરુકતા ફેલાવતા પ્રોગ્રામો પર અને ભવિષ્યના શિક્ષણ પર કેન્દ્રિત રહેશે.
