ગુજરાત સરકારના ગૃહ વિભાગ દ્વારા રાજ્યના પોલીસ તંત્રમાં વહીવટી કાર્યક્ષમતા અને ક્ષેત્રીય કામગીરીને વધુ સુદ્રઢ બનાવવાના હેતુથી મોટો ફેરબદલ કરવામાં આવ્યો છે. ગૃહ વિભાગના સત્તાવાર આદેશ અનુસાર, રાજ્યના 4 IPS (ભારતીય પોલીસ સેવા) અને 6 SPS (રાજ્ય પોલીસ સેવા) મળીને કુલ 10 ઉચ્ચ પોલીસ અધિકારીઓની તાત્કાલિક અસરથી બદલી અને નવી નિમણૂક કરવામાં આવી છે.
4 યુવા IPS અધિકારીઓને ડિવિઝનલ ASP તરીકે જવાબદારી
આ વહીવટી ફેરબદલમાં 2023 અને 2024 બેચના 4 યુવા IPS અધિકારીઓને વિવિધ વિભાગોમાં આસિસ્ટન્ટ સુપરિન્ટેન્ડેન્ટ ઓફ પોલીસ (ASP) તરીકે ફિલ્ડ પોસ્ટિંગ સોંપવામાં આવ્યું છે:
માનસી આર. મીના (IPS): અમદાવાદ જિલ્લાના વિરમગામ વિભાગના ASP તરીકે નિયુક્ત.
મૌસમ હર્ષદ મહેતા (IPS): વાવ-થરાદ/બનાસકાંઠા ક્ષેત્ર હેઠળના દિયોદર વિભાગના ASP તરીકે પદભાર સોંપાયો.
પ્રખર કુમાર (IPS): દેવભૂમિ દ્વારકા જિલ્લાના ખંભાળિયા વિભાગના નવા ASP તરીકે નિમણૂક.
કરણકુમાર મનસુખભાઈ પન્ના (IPS): દાહોદ જિલ્લાના લીમખેડા વિભાગના ASP તરીકે ચાર્જ સંભાળશે.
6 SPS અધિકારીઓને SRPF જૂથોમાં કમાન્ડન્ટનું પદ
આ ઉપરાંત, રાજ્ય પોલીસ સેવાના 6 સિનિયર અધિકારીઓની સ્ટેટ રિઝર્વ પોલીસ ફોર્સ (SRPF)ના વિવિધ ગ્રૂપમાં કમાન્ડન્ટ તરીકે નિયુક્તિ કરવામાં આવી છે:
જે. આઈ. વસાવા: વડોદરા શહેર ટ્રાફિક (નોર્થ)ના DCP પદેથી બદલી કરીને SRPF ગ્રૂપ-9, વડોદરાના કમાન્ડન્ટ બનાવાયા.
ડી. એમ. ચૌહાણ: વિસનગર (મહેસાણા) SP પદેથી બદલી કરી SRPF ગ્રૂપ-3, મડાણા (બનાસકાંઠા) ખાતે કમાન્ડન્ટ તરીકે નિમણૂક.
પ્રકાશકુમાર વિષ્ણુપ્રસાદ રાવલ: SRPF ગ્રૂપ-15 (મહેસાણા ONGC) ખાતેથી બદલી કરીને SRPF ગ્રૂપ-4, પાવી (દાહોદ) ખાતે કમાન્ડન્ટ પદ સોંપાયું.
બી. એલ. દેસાઈ: પંચમહાલ (ગોધરા) હેડક્વાર્ટર SP પદેથી બદલી કરી SRPF ગ્રૂપ-5, ગોધરાના કમાન્ડન્ટ બનાવાયા.
એચ. પી. દોશી: પોલીસ ટ્રેનિંગ સેન્ટર (ચોકી, સોરઠ-જૂનાગઢ)થી બદલી કરીને SRPF ગ્રૂપ-13, રાજકોટ ખાતે કમાન્ડન્ટ તરીકે નિયુક્ત.
એલ. બી. ઝાલા: સુરત શહેર એફ-ડિવિઝન DCP પદેથી બદલી કરીને SRPF ગ્રૂપ-11, વાવ (સુરત)ના કમાન્ડન્ટ તરીકે જવાબદારી સોંપાઈ.
ગૃહ વિભાગ દ્વારા તમામ અધિકારીઓને પોતાની નવી જગ્યા પર તાત્કાલિક અસરથી હાજર થઈ પદભાર સંભાળી લેવા સૂચના આપવામાં આવી છે. આ બદલીઓને રાજ્યની કાયદો અને વ્યવસ્થાની સ્થિતિ વધુ મજબૂત કરવાના એક અગત્યના વહીવટી કદમ તરીકે જોવામાં આવી રહી છે.
