ઑસ્ટ્રિયન સ્કૂલમાં ગોળીબારની ઘટનામાં 11 લોકોના મોત થયા છે. ઑસ્ટ્રિયન બ્રોડકાસ્ટર ORF એ ગૃહ મંત્રાલયને ટાંકીને જણાવ્યું હતું કે મંગળવારે દક્ષિણ-પૂર્વ ઑસ્ટ્રિયામાં એક સ્કૂલમાં થયેલા ગોળીબારમાં શંકાસ્પદ હુમલાખોર સહિત અનેક લોકો માર્યા ગયા હતા.
ગોળીબાર કરનાર એક વિદ્યાર્થી હોવાનું કહેવાય છે જેણે સ્કૂલના બે વર્ગખંડોમાં ગોળીબાર કર્યો હતો. તે પોતે પણ પાછળથી શૌચાલયમાં મૃત હાલતમાં મળી આવ્યો હતો.
આ ગોળીબાર પાછળ હુમલાખોરનો હેતુ શું હતો તે સંપૂર્ણપણે સ્પષ્ટ નથી, પરંતુ સંભવતઃ આ હુમલો ગુંડાગીરીને કારણે થયો હોઈ શકે છે. આ ઘટનાને લગતા ઘણા વીડિયો ફૂટેજ સોશિયલ મીડિયા પર વાયરલ થઈ રહ્યા છે.
