દિલ્હી ચૂંટણી પહેલા મહિલાઓને પૈસાની વહેંચણી કરવાના આરોપોથી ઘેરાયેલા પ્રવેશ વર્માની મુસીબતો હજુ અટકી રહી નથી. હવે AAP સાંસદ સંજય સિંહ ED ઓફિસ પહોંચ્યા છે અને પ્રવેશ વર્મા વિરુદ્ધ ફરિયાદ નોંધાવી છે. ED ઓફિસ પહોંચ્યા બાદ AAP સાંસદ સંજય સિંહે કહ્યું કે તેઓ ભાજપના પૂર્વ સાંસદ પ્રવેશ વર્મા અને મનજિંદર સિંહ સિરસા વિરુદ્ધ ફરિયાદ દાખલ કરશે.
दिल्ली चुनाव में अपनी हार मान चुकी बीजेपी‼️
♦️ मतदाताओं में पैसे बांट रहे BJP नेता प्रवेश वर्मा, पुलिस करे गिरफ़्तार pic.twitter.com/OV03gsjVmT
— AAP (@AamAadmiParty) December 25, 2024
દિલ્હી ચૂંટણીમાં ‘કેશ’ની રાજનીતિ
તમને જણાવી દઈએ કે બુધવારથી આમ આદમી પાર્ટી આ મુદ્દે ભાજપને ઘેરી રહી છે અને ચૂંટણીમાં રોકડની એન્ટ્રીને લઈને રાજકારણ પણ જોરશોરથી ચાલી રહ્યું છે.
મહિલાઓને 1100 રૂપિયા વહેંચવાનો આરોપ
નોંધનીય છે કે દિલ્હીના સીએમ આતિશીએ બીજેપી નેતા પ્રવેશ વર્મા પર રોકડ વહેંચવાનો આરોપ લગાવ્યો હતો. આતિશીએ કહ્યું હતું કે ભાજપ નવી દિલ્હી વિધાનસભામાં લોકોના વોટર કાર્ડ જોઈને પૈસા વહેંચી રહી છે. ભાજપના પ્રવેશ વર્મા પૈસાની વહેંચણી કરતા રંગે હાથ ઝડપાયા છે. સીએમ આતિશીએ એક ફોટો જાહેર કર્યો અને દાવો કર્યો કે નવી દિલ્હી સ્થિત બીજેપી નેતા પરવેશ વર્માના સત્તાવાર નિવાસ સ્થાન 20 વિન્ડસર પ્લેસમાં મહિલાઓને 1100 રૂપિયાનું વિતરણ કરવામાં આવી રહ્યું છે.
તો આ મુદ્દે પલટવાર કરતા પરવેશ વર્માએ પણ AAP પર પ્રહારો કર્યા હતા. બુધવારે બીજેપી નેતાએ કહ્યું કે મારા પિતાએ 25 વર્ષ પહેલા રાષ્ટ્રીય સ્વાભિમાન સંસ્થાની સ્થાપના કરી હતી. ગુજરાતમાં આવેલા બે ભૂકંપ પછી અમે ત્યાં બે ગામો બનાવ્યા. અમે ત્યાં 2 હજારથી વધુ મકાનો બનાવ્યા હતા.
