નાગરિકતા સંશોધન કાયદા હેઠળ 14 લોકોને ભારતીય નાગરિકતા આપવામાં આવી છે. વિદેશ મંત્રાલયે બુધવારના રોજ આ માહિતી શેર કરી. મંત્રાલયે કહ્યું કે CAA હેઠળ 14 લોકોને ભારતીય નાગરિકતાનું પ્રમાણપત્ર આપવામાં આવ્યું છે. નાગરિકતા નિયમો, 2024 ની સૂચના જારી થયા પછી પ્રથમ વખત નાગરિકતા પ્રમાણપત્રોનું વિતરણ કરવામાં આવ્યું હતું. કેન્દ્રીય ગૃહ સચિવ અજય કુમાર ભલ્લાએ નવી દિલ્હીમાં કેટલાક અરજદારોને નાગરિકતા પ્રમાણપત્રો આપ્યા. આ પ્રસંગે, ગૃહ સચિવે, અરજદારોને અભિનંદન આપતા, નાગરિકતા (સુધારા) નિયમો, 2024 ના મુખ્ય મુદ્દાઓ પર પ્રકાશ પાડ્યો.
#CAA कानून बनने के बाद दी गई पहली भारतीय नागरिकता!
11 मार्च 2024 को CAA देश में लागू हुआ था.
इसमें पाकिस्तान, बांग्लादेश,अफगानिस्तान से आए धार्मिक प्रताड़ना के शिकार हिंदू, जैन, पारसी, सिख, ईसाई और बौद्ध शरणार्थियों को #Bharat की नागरिकता देने का प्रावधान है. pic.twitter.com/3J0OdQPyd1
— SansadTV (@sansad_tv) May 15, 2024
CAA 11 માર્ચ, 2024 ના રોજ અમલમાં આવ્યો
નાગરિકતા સંશોધન કાયદો 11 ડિસેમ્બર 2019 ના રોજ સંસદ દ્વારા પસાર કરવામાં આવ્યો હતો. આ કાયદો પસાર થયા બાદ દેશભરમાં CAA વિરૂદ્ધ આંદોલન અને વિરોધ થયા હતા. ભારત સરકારે 11 માર્ચ, 2024 ના રોજ નાગરિકતા (સુધારા) નિયમો, 2024 ને સૂચિત કર્યા હતા. આ નિયમોમાં, અરજી કરવાની પદ્ધતિ, ડિસ્ટ્રિક્ટ લેવલ કમિટી (DLC) દ્વારા અરજી ફોરવર્ડ કરવાની પ્રક્રિયા અને રાજ્ય લેવલ એમ્પાવર્ડ કમિટી (EC) દ્વારા અરજીઓની ચકાસણી અને નાગરિકતા પ્રદાન કરવાની વ્યવસ્થા કરવામાં આવી છે. આ નિયમોના અમલીકરણ પછી પાકિસ્તાન, બાંગ્લાદેશ અને અફઘાનિસ્તાનમાંથી હિન્દુ, શીખ, જૈન, બૌદ્ધ, પારસી અને ખ્રિસ્તી સમુદાયના લોકો પાસેથી અરજીઓ મળી છે જેઓ 31 ડિસેમ્બર 2014 સુધી ધાર્મિક દમન અથવા તેના ભયને કારણે ભારત આવ્યા હતા. .
#CAA ने दी पहली नागरिकता…! केंद्रीय गृह सचिव अजय भल्ला ने CAA के तहत 14 लोगों को दिया सिटीजनशिप सर्टिफिकेट… नागरिकता संशोधन अधिनियम (CAA) की अधिसूचना जारी होने के बाद आज पहली बार 2014 से पहले भारत आए 14 आवेदकों को नागरिकता प्रमाणपत्र सौंपे. #MHA pic.twitter.com/559vI1yDCH
— Rajan Singh (@rajansi45) May 15, 2024
ભારતીય નાગરિકતા મેળવવાની પ્રક્રિયા શું છે?
અધિકૃત અધિકારીઓ તરીકે વરિષ્ઠ ટપાલ અધિક્ષક/પોસ્ટલ સુપ્રિન્ટેન્ડેન્ટની આગેવાની હેઠળની જિલ્લા સ્તરીય સમિતિઓ (ડીએલસી) એ દસ્તાવેજોની સફળ ચકાસણી પછી અરજદારોને નિષ્ઠાનાં શપથ લેવડાવ્યા છે. નિયમો અનુસાર અરજીઓ પર પ્રક્રિયા કર્યા પછી, DLC એ અરજીઓ નિયામક (સેન્સસ ઓપરેશન્સ) ની આગેવાની હેઠળની રાજ્ય કક્ષાની એમ્પાવર્ડ કમિટી (EC) ને મોકલી છે. અરજીઓની પ્રક્રિયા સંપૂર્ણપણે ઓનલાઈન પોર્ટલ દ્વારા કરવામાં આવે છે.
ડાયરેક્ટર (સેન્સસ ઓપરેશન્સ), દિલ્હીની અધ્યક્ષતામાં દિલ્હીની એમ્પાવર્ડ કમિટીએ યોગ્ય તપાસ બાદ 14 અરજદારોને નાગરિકતા આપવાનો નિર્ણય લીધો છે. આ ક્રમમાં, ડાયરેક્ટર (સેન્સસ ઓપરેશન્સ) એ આ અરજદારોને પ્રમાણપત્રો આપ્યાં. આ પ્રસંગે સેક્રેટરી, પોસ્ટ્સ, ડાયરેક્ટર (ઇન્ટેલિજન્સ) અને ભારતના રજિસ્ટ્રાર જનરલ સહિત ઘણા વરિષ્ઠ અધિકારીઓ હાજર હતા.
