મુંબઈ, 14 ઓગસ્ટ, 2020: ભારતના પ્રીમિયમ એક્સચેન્જ અને 6 માઇક્રોસેકન્ડની સ્પીડ સાથે વિશ્વના સૌથી ઝડપી સ્ટોક એક્સચેન્જ બનેલા BSEએ ગુજરાત સ્ટુડન્ટ સ્ટાર્ટઅપ એન્ડ ઇનોવેશન હબ (આઇ-હબ) (ગુજરાત સરકાર) સાથે સમજૂતીકરાર (એમઓયુ) કર્યા છે. આ એમઓયુનો ઉદ્દેશ વિઝિબિલિટી, બ્રાન્ડિંગ, વિશ્વસનિયતા વધારવા અને મૂલ્ય અનલોક કરવા જેવા વિવિધ ફાયદાઓની સાથે મૂડીભંડોળ ઊભું કરવામાં સ્ટાર્ટઅપ્સને પ્રોત્સાહન અને સાથસહકાર આપવાનો છે.
આઇ-હબ (ગુજરાત સરકાર) એક વાઇબ્રન્ટ ઇન્ક્યુબેશન સેટઅપ છે, જેની સ્થાપના ગુજરાત સરકારના શિક્ષણ વિભાગ દ્વારા સ્ટુડન્ટ સ્ટાર્ટઅપ ઇનોવેશન પોલિસી (એસએસઆઇપી) અંતર્ગત થઈ છે, જે રાજ્યમાં આર્થિક વૃદ્ધિ માટે પ્રેરકબળ તરીકે સ્ટાર્ટઅપ્સ વિકસાવવા પર ધ્યાન કેન્દ્રિત કરે છે, જેથી તેમને વૃદ્ધિને વેગ આપવા સાનુકૂળ ઇકોસિસ્ટમ મળે છે.
આ જોડાણ પર અંજુ શર્મા, આઇએએસ (પ્રિન્સિપલ સેક્રેટરી, હાયર એન્ડ ટેકનિકલ એજ્યુકેશન ડિપાર્ટમેન્ટ અને ચેરપર્સન આઇહબ)એ કહ્યું હતું કે, “અમે સ્ટુડન્ટ સ્ટાર્ટઅપ્સના વિકાસ માટે કામ કરવા પ્રતિબદ્ધ છીએ અને બીએસઈ સાથેનું જોડાણ સ્ટાર્ટઅપ્સને બીએસઈના ડેડિકેટેડ સ્ટાર્ટઅપ પ્લેટફોર્મ પરથી મૂડીભંડોળ ઊભું કરવા માટે વધુ મદદરૂપ થશે.”
આ જોડાણ પર બીએસઈના એમડી અને સીઇઓ આશિષકુમાર ચૌહાણે કહ્યું હતું કે, “સ્ટાર્ટઅપ્સના વિવિધ પડકારોમાંનો એક પડકાર ધિરાણની મર્યાદિત સુલભતા છે, જે ડેટ કેપિટલ પર એની નિર્ભરતામાં વધારો કરે છે. પરિણામે જટિલ મૂડીગત માળખું ઊભું થાય છે અને પર્યાપ્ત રોકડપ્રવાહ ઊભો થતો નથી. અમારું માનવું છે કે, આઇ-હબ (ગુજરાત સરકાર) સાથે આ જોડાણ દ્વારા અમે મૂડીભંડોળ ઊભું કરવા અને સફળતા મેળવવા સ્ટાર્ટઅપ્સ માટે અનુકૂળ ઇકોસિસ્ટમ પૂરી પાડી શકીએ.”
બીએસઈ એસએમઈ એન્ડ સ્ટાર્ટઅપ્સના હેડ અજય ઠાકુરે કહ્યું હતું કે, “અમે ગુજરાત સ્ટુડન્ટ સ્ટાર્ટઅપ એન્ડ ઇનોવેશન હબ સાથે જોડાણ કરવા આતુર છીએ. આ પાર્ટનરશિપ અમને વધારે સ્ટાર્ટઅપ્સ સુધી પહોંચવામાં, તેમને જાણકારી આપવામાં અને બીએસઈ સ્ટાર્ટઅપ પ્લેટફોર્મ પર ફાયદાઓ પર કેટલાંક ફ્લેગશિપ પ્રોગ્રામ દ્વારા જાગૃતિ લાવવામાં મદદ મળશે. એનાથી ગુજરાત રાજ્યમાં સ્ટાર્ટઅપને વૃદ્ધિ કરવામાં અને રોજગારીનું સર્જન કરવામાં મદદ મળશે.”
