BSE ગોલ્ડ મિનીના ઓપ્શન્સ ઈન ગુડ્સ કોન્ટ્રેક્ટસમાં સતત ત્રીજા મહિને ડિલિવરી પૂરી કરનારું પ્રથમ એક્સચેન્જ બન્યું

મુંબઈઃ બીએસઈ ઓપ્શન્સ ઈન ગુડ્સ ફ્રેમવર્કમાં ગોલ્ડ મિની કોન્ટ્રેક્ટ્સમાં સતત ત્રીજા મહિને ડિલિવરી પૂરી કરનારું સૌપ્રથમ એક્સચેન્જ બન્યું છે. એક્સચેન્જના અમદાવાદ ખાતેના નિયુક્ત વોલ્ટ ખાતે સમાપ્ત થયેલા ગોલ્ડ મિનીના ઓપ્શન્સ ઈન ગુડ્સ કોન્ટ્રેક્ટ્સની ત્રીજી ફુલ ડિલિવરી સાઈકલ પાર પાડવામાં આવી હતી.

આ પ્રસંગે બીએસઈના ચીફ બિઝનેસ ઓફિસર સમીર પાટીલે કહ્યું કે બુલિયન સેગમેન્ટમાં ફિઝિકલ માર્કેટના ખેલાડીઓના ટેકા અને સામેલગીરીનો અમને આનંદ છે . અમે માનીએ છીએ કે આ ઓપ્શન્સ ઈન ગુડ્સ કોન્ટ્રેક્ટ્સ સ્થાનિક બજારના ફંડામેન્ટલના આધારે ગોલ્ડના ભાવશોધન (પ્રાઈસ ડિસ્કવરી)ને વેગ આપશે. બીએસઈનું અવરોધહીન ટ્રેડિંગ પ્લેટફોર્મ અને વિરાટ ડિલિવરી ફ્રેમવર્ક સાથેના ઓપ્શન્સ ઈન ગુડ્સ કોન્ટ્રેક્ટ્સ ઝવેરીઓ, બુલિયન વેપારીઓ અને અન્ય સહભાગીઓ માટે અત્યંત લાભકારી બની રહ્યાં છે. આ કોન્ટ્રેક્ટ્સ દ્વારા તેઓ પ્રાઈસ રિસ્કને હેજ કરી શકે છે એટલું જ નહિ પણ કોન્ટ્રેક્ટની સમાપ્તિ સમયે ડિલિવરી પણ પ્રાપ્ત કરી શકે છે.