મુંબઈઃ BSE SME પ્લેટફોર્મ પર તાજેતરમાં 328મી કંપની તરીકે અતમ વાલ્વ્સ થઈ છે. અતમ વાલ્વસ લિમિટેડે રૂ.10ની મૂળ કિંમતના 11.25 લાખ ઈક્વિટી શેર રૂ.40ની કિંમતે ઓફર કર્યા હતા. કંપનીનો રૂ.કુલ રૂ.4.5 કરોડનો પબ્લિક ઈશ્યુ 25 સપ્ટેમ્બર, 2020ના રોજ સંપન્ન થયો હતો.
અતમ વાલ્વ્સ બ્રોન્ઝ, કાસ્ટ આયર્ન, કાર્બન સ્ટીલ, સ્ટેઈલેસ સ્ટીલ, ફોર્જ્ડ સ્ટીલ તેમ જ વિવિધ પ્રકારના અને કદના ગન મેટલ ઈન્ડસ્ટ્રિયલ વાલ્વ્સનું ઉત્પાદન કરે છે. કંપની 13થી અધિક દેશોમાં નિકાસ કરે છે, જેમાં મુખ્યત્વે યુનાઈટેડ સ્ટેટ્સ, કુવૈત, કેન્યા, સાઉથ આફ્રિકા, મલેશિયા, દુબઈ, ઈન્ડોનેશિયા, ઓસ્ટ્રેલિયા, ઓમાન, ફિલિપાઈન્સ, ઈથિઓપિયા, નેપાળ અને યુનાઈટેડ કિંગડમનો સમાવેશ થાય છે.
અત્યાર સુધીમાં 86 SME કંપનીઓએ મેઈન બોર્ડમાં સ્થળાંતર કર્યું છે. BSE SME પ્લેટફોર્મ પરથી અત્યાર સુધીમાં 326 કંપનીઓએ રૂ.3,340.36 કરોડ એકત્ર કર્યા છે, જેમનું માર્કેટ કેપિટલાઈઝેશન અત્યારે રૂ20,658.81 કરોડ છે. BSE આ સેગમેન્ટમાં 61 ટકા બજાર હિસ્સા સાથે મોખરે છે.
