મુંબઈ – બજાજ ફાઈનાન્સ, નેશનલ ફર્ટિલાઈઝર્સ, નેટવર્ક18 મીડિયા એન્ડ ઈન્વેસ્ટમેન્ટ, ટીવી18 બ્રોડકાસ્ટ, બજાજ હાઉસિંગ ફાઈનાન્સ, એસબીઆઈ કાર્ડ્સ એન્ડ પેમેન્ટ સર્વિસીસ, એક્સિસ ફાઈનાન્સ, આદિત્ય બિરલા મની, આઈસીઆઈસીઆઈ હોમ ફાઈનાન્સ કંપની અને સ્ટાન્ડર્ડ ચાર્ટર્ડ ઈન્વેસ્ટમેન્ટ્સ એન્ડ લોન્સ (ઈન્ડિયા)એ તેમનાં કમર્શિયલ પેપરના કુલ રૂ.7,185 કરોડના ઈશ્યુને લિસ્ટ કરવા માટેની અરજી કરી છે. બીએસઈમાં આ ઈશ્યુઓનાં કમર્શિયલ પેપર્સ 6 જાન્યુઆરી, 2020થી લિસ્ટ થશે.
અત્યાર સુધીમાં 59 ઈશ્યુઅરોના રૂ.1,28,745 કરોડના કમર્શિયલ પેપર્સના 381 ઈશ્યુઓ લિસ્ટ કરવામાં આવ્યા છે. આ ઈશ્યુઝની સરેરાશ 132 દિવસની મુદત પરનું વેઈટેડ એવરેજ યીલ્ડ 6.09 ટકા રહ્યું છે.
બીએસઈ દેશની કંપનીઓને મૂડી એકત્ર કરવામાં સહાય કરી રહ્યું છે. બીએસઈ બોન્ડ પ્લેટફોર્મ જુલાઈ 2016માં લોન્ચ કરવામાં આવ્યું ત્યારથી અત્યાર સુધી (3 જાન્યુઆરી, 2020)માં ભારતીય કંપનીઓના રૂ.4,50,143.52 કરોડ (63.10 અબજ યુએસ ડોલર)ના ડેટનું લિસ્ટિંગ કરવામાં આવ્યું છે. આમાંથી બીએસઈએ સફળતાપૂર્વક રૂ.2,29,877 કરોડનું ભંડોળ (32.22 અબજ ડોલર) એકત્ર કરી આશરે 60 ટકા બજાર હિસ્સો પ્રાપ્ત કર્યો છે. છે. નાણાકીય વર્ષ 2019-20માં (3 જાન્યુઆરી, 2020) સુધીમાં બીએસઈએ સફળતાપૂર્વક રૂ.9,36,340 કરોડ (131.25 અબજ ડોલર) એકત્ર કર્યા છે.
