એક બસ કે જેમાં શાળાના બાળકો મુસાફરી કરી રહ્યા હતા તે પંચકુલાના મોર્ની નજીક ટિક્કર તાલ પાસે અકસ્માતનો ભોગ બન્યો હતો. મળતી માહિતી મુજબ, ડ્રાઈવર દ્વારા બસને વધુ સ્પીડમાં ચલાવવાને કારણે આ અકસ્માત થયો હતો. અકસ્માત બાદ તરત જ સ્થાનિક પ્રશાસને ઘાયલોને બચાવવાનું શરૂ કરી દીધું હતું. આ અકસ્માતમાં ડ્રાઈવરને ગંભીર ઈજા થઈ છે. જણાવવામાં આવી રહ્યું છે કે ટીક્કર તાલ રોડ પર થલ ગામ પાસે બસ પલટી ગઈ અને ખાડામાં પડી ગઈ.
A School bus carrying 45 students from Khanna district falls into gorge in Panchkula’s Tikker Tal, Morni. They were reportedly on a school trip.
As per reports, several students and bus driver got injured and taken to a hospital in Panchkula’s Sector 6.#Panchkula #BusAccident pic.twitter.com/k50iJPm9zf
— Ishani K (@IshaniKrishnaa) October 19, 2024
મોર્ની હિલ્સની મુલાકાતે જતા હતા
આ ઘટનામાં 10 થી 15 જેટલા બાળકો ઘાયલ થયા છે, જેમને સારવાર માટે મોરબીના પ્રાથમિક આરોગ્ય કેન્દ્રમાં દાખલ કરવામાં આવ્યા છે. તે જ સમયે, કેટલાક બાળકોને પંચકુલાની સેક્ટર 6 સિવિલ હોસ્પિટલમાં પણ મોકલવામાં આવ્યા છે. પોલીસે ઘટના સ્થળે પહોંચીને મામલાની તપાસ શરૂ કરી હતી. પ્રાથમિક તપાસ મુજબ પંજાબના માલેરકોટલામાં આવેલી નનકાના સાહિબ સ્કૂલના બાળકો અને સ્ટાફના સભ્યો ફરવા માટે પંચકુલાના મોર્ની હિલ્સ જઈ રહ્યા હતા. બસ અચાનક પલટી જતાં આ ગંભીર અકસ્માત સર્જાયો હતો. પોલીસ આ મામલે તપાસ કરી રહી છે.
