રાજસ્થાન, મધ્યપ્રદેશ અને છત્તીસગઢ માટે બીજેપી ઉમેદવારોની યાદી જાહેર

પાંચ રાજ્યોમાં વિધાનસભા ચૂંટણીની જાહેરાત સાથે જ ભાજપે ઉમેદવારોની યાદી જાહેર કરી દીધી છે. ભાજપે સોમવારે છત્તીસગઢ, રાજસ્થાન અને મધ્યપ્રદેશ માટે યાદી જાહેર કરી. ભાજપે રાજસ્થાનમાં 41 ઉમેદવારોની યાદી જાહેર કરી છે. જ્યારે છત્તીસગઢમાં 64 અને મધ્ય પ્રદેશમાં 57 ઉમેદવારોની યાદી જાહેર કરવામાં આવી છે. છત્તીસગઢ માટે બીજેપીની આ બીજી અને મધ્યપ્રદેશ માટે ત્રીજી યાદી છે. મુખ્યમંત્રી શિવરાજ સિંહ ચૌહાણને મધ્યપ્રદેશના બુધનીથી ટિકિટ આપવામાં આવી છે. દતિયાથી ગૃહમંત્રી નરોત્તમ મિશ્રાને મેદાનમાં ઉતારવામાં આવ્યા છે.

રાજસ્થાનમાં કોને આપવામાં આવી ટિકિટ?

રાજસ્થાનના સવાઈ માધોપુરથી રાજ્યસભા સાંસદ કિરોડીલાલ મીણાને ટિકિટ આપવામાં આવી છે. સાંસદ ભગીરથ ચૌધરી, બાલકનાથ, નરેન્દ્ર કુમાર અને દેવજી પટેલને પણ મેદાનમાં ઉતારવામાં આવ્યા છે. પૂર્વ કેન્દ્રીય મંત્રી રાજ્યવર્ધન સિંહ રાઠોડને જોતવાડાથી ટિકિટ આપવામાં આવી છે.


રાજસ્થાનની આ યાદીમાં 19 બેઠકો એવી છે જેમાં બીજેપી ક્યારેય જીતી શકી નથી. છેલ્લી ચૂંટણીમાં બાકીની બેઠકો પર ભાજપનો પરાજય થયો હતો. વસુંધરા રાજેના નજીકના વિશ્વાસુ નરપત સિંહ રાજવીની ટિકિટ રદ્દ કર્યા બાદ ભાજપે વિદ્યાધર નગરથી દિયા કુમારીને મેદાનમાં ઉતાર્યા છે. રાજસ્થાન કોંગ્રેસના દિગ્ગજ નેતા સુખરામ વિશ્નોઈને ટક્કર આપવા માટે ભાજપના સાંસદ દેવજી પટેલને મેદાનમાં ઉતારવામાં આવ્યા છે. રાજસ્થાનના દિગ્ગજ જાટ નેતા અને રાજ્ય સરકારના મંત્રી લાલચંદ કટારિયાને ઘેરવા માટે રાજ્યવર્ધન સિંહ રાઠોડને મેદાનમાં ઉતારવામાં આવ્યા છે.

છત્તીસગઢમાંથી 3 સાંસદોને ટિકિટ મળી છે

છત્તીસગઢથી 3 સાંસદોને ટિકિટ આપવામાં આવી છે. આ યાદીમાં સૌથી ચોંકાવનારું નામ Sajaના ઈશ્વર સાહુનું છે. બે કોમ વચ્ચેના ઝઘડામાં ઈશ્વર સાહુના પુત્રની હત્યા કરવામાં આવી હતી. પૂર્વ કલેક્ટર ઓપી ચૌધરીને રાયગઢથી ટિકિટ મળી છે. પ્રદેશ પ્રમુખ અરુણ સાવ લોરમીથી ચૂંટણી લડશે. પૂર્વ મુખ્યમંત્રી રમણ સિંહ રાજનાંદગાંવથી ચૂંટણી લડશે.

RELATED ARTICLESMORE FROM AUTHOR