અમદાવાદની આત્રેય ઓર્ચિડ સોસાયટીમાં ગત રોજ ભયંકર આગ લાગી હતી. ભીષણ આગ લાગવાના કારણે સોસાયટીમાં અફરા તફરી મચી ગઈ હતી. આગથી બચવા માટે લોકો પાંચમા માળેથી છલાંગ લગાવીને કુદ્યા હતા. એક છોકરીનો એપાર્ટમેન્ટમાંથી કૂદવાનો વીડિયો સોશિયલ મીડિયા પર વાયરલ થઈ રહ્યો છે. આ ઘટના ઈંદિરા બ્રિજ નજીકના રહેણાંક વિસ્તારમાં આવેલી બિલ્ડિંગમાં થઈ હતી.
અહીંના એપાર્ટમેન્ટના ચોથા અને પાંચમા માળે આગ લાગી હતી. આગ લાગવાનું કારણ એસીમાં શોર્ટ સર્કિટ હોવાનું કહેવાય છે. ધીમે ધીમે આગ આખી ઈમારતના માળમાં ફેલાવા લાગી. ધુમાડો અને આગના ગોટા વચ્ચે સોસાયટીમાં અફરા તફરી મચી ગઈ. સોસાયટીમાં ફસાયેલા લોકોના જીવ બચાવવા માટે બિલ્ડિંગથી કૂદવાનું શરુ કરી દીધું. બિલ્ડિંગથી કૂદવાનો એક વીડિયો પણ સોશિયલ મીડિયા પર વાયરલ થઈ રહ્યો છે. તેમાં એક છોકરી ફ્લેટના ઉપરના ભાગથી કૂદતી દેખાઈ છે. નીચે ચારે તરફ ભીડ એકઠી થયેલી છે. જે છોકરીને જમીન પર પડતા પહેલા કેચ કરી લે છે. ફાયરકર્મી સતત આગ ઠારવાની કોશિશો કરી રહ્યા હતા.
