અમેરિકા: મિસ ઈન્ડિયા USA 2024ની જાહેરાત કરવામાં આવી છે. ભારતીય-અમેરિકન કેટલિન સાન્દ્રા નીલના સરે જીતનો તાજ મુકવામાં આવ્યો છે. કેટલિન એ ભારતીય મૂળની અમેરિકન કિશોરી છે. જેનો જન્મ ચેન્નાઈમાં થયો હતો. ન્યુ જર્સીમાં મિસ ઈન્ડિયા USA 2024નું આયોજન કરવામાં આવ્યું હતું. કેટલિન છેલ્લા 14 વર્ષથી અમેરિકામાં રહે છે. તે વેબ ડિઝાઇનર બનવા માંગે છે. આ સિવાય તે એક મોડલિંગ છે અને એક્ટિંગ પણ કરે છે.
કેટલીન સાન્દ્રા નીલ 19 વર્ષની છે અને કેલિફોર્નિયા યુનિવર્સિટીમાં અભ્યાસ કરે છે. મીડિયા સાથે વાત કરતા સમયે, કેટલિન કહે છે કે તે તે ભારતીય સમુદાય પર હકારાત્મક અસર કરવા માંગે છે અને મહિલા સશક્તિકરણ અને સાક્ષરતા ઉપર પણ ધ્યાન કેન્દ્રિત કરવા માંગે છે.
મિસ ઈન્ડિયા યુએસએ 2023નો તાજ કૈટલીને પહેરાવ્યોઈન્ડિયા ફેસ્ટિવલ કમિટી (IFC) દ્વારા આયોજિત આ સ્પર્ધામાં ઈલિનોઈસની સંસ્કૃતિ શર્માને મિસિસ ઈન્ડિયા યુએસએ અને વોશિંગ્ટનની અર્શિતા કઠપાલિયાએ મિસ ટીન ઈન્ડિયા યુ.એસ.એ.નો ખિતાબ જીત્યો હતો. રિજુલ મૈની (મિસ ઈન્ડિયા USA 2023) અને સ્નેહા નામ્બિયાર (મિસિસ ઈન્ડિયા USA 2023)એ કેટલિન સાન્દ્રા નીલ અને સંસ્કૃતિ શર્માને તાજ પહેરાવ્યો.
મિસ ઈન્ડિયા યુએસએની રનર અપ કોણ બની?
મિસ ઈન્ડિયા USA સ્પર્ધામાં ઈલિનોઈસની નિરાલી દેસિયા અને ન્યુ જર્સીની માનિની પટેલ ફર્સ્ટ રનર અપ અને સેકન્ડ રનર અપ જાહેર થયા હતા. વર્જીનિયાના સપના મિશ્રા અને કનેક્ટિકટના ચિન્મય અયાચિતને મિસિસ ઈન્ડિયા યુએસએ સ્પર્ધામાં પ્રથમ અને દ્વિતીય રનર અપ જાહેર કરવામાં આવ્યા હતા.
