દિલ્હીની જવાહરલાલ નેહરુ યુનિવર્સિટીના વિદ્યાર્થીઓની ગયા રવિવારે કરાયેલી મારપીટ સામે મુંબઈમાં 6 જાન્યુઆરી, સોમવારે રાતે દક્ષિણ મુંબઈસ્થિત ગેટવે ઓફ ઈન્ડિયા સ્મારક ખાતે લોકોએ દેખાવો કર્યા હતા. એ વખતે એક યુવતી ‘ફ્રી કશ્મીર’નું વિવાદાસ્પદ પ્લેકાર્ડ પકડીને ઊભેલી જોવા મળી હતી. પોલીસે બાદમાં દેખાવો કરનાર તમામ લોકોને ત્યાંથી હટાવીને આઝાદ મેદાન ખાતે શિફ્ટ કર્યા હતા.
પોલીસ અધિકારી (ડીસીપી-ઝોન-1) સંગ્રામસિંહ નિશાનદારે કહ્યું કે, ગેટવે ઓફ ઈન્ડિયા ખાતેના દેખાવો વખતે જોવા મળેલા ‘ફ્રી કશ્મીર’ પોસ્ટરની પોલીસે ગંભીર નોંધ લીધી છે. અમે ચોક્કસપણે એમાં તપાસ કરીશું.
