જે ફિલ્મની ખૂબ જ આતુરતાપૂર્વક રાહ જોવામાં આવી રહી છે, તે ‘ગદર 2’ના આઇકોનિક એક્શન હીરો સની દેઓલ અને ખ્યાતનામ અભિનેત્રી અમીષા પટેલએ 10 ઓગસ્ટ, ગુરુવારે સ્વર્ણિમ સ્ટાર્ટઅપ એન્ડ ઇનોવેશન યુનિવર્સિટીની મુલાકાત લીધી હતી.
બંને કલાકારે કેમ્પસમાં હાજર 1800થી વધારે વિદ્યાર્થીઓ સાથે વાતચીત કરી હતી. વિદ્યાર્થીઓ તેમના ફેવરિટ સ્ટાર્સને નજીકથી જોઇને અભિભૂત થઈ ગયાં હતાં.
સની દેઓલને તેમનો લોકપ્રિય ડાયલૉગ – ‘હિંદુસ્તાન ઝિંદાબાદ હૈ, હિંદુસ્તાન ઝિંદાબાદ થા ઔર હિંદુસ્તાન ઝિંદાબાદ રહેગા’ને હિન્દી બાદ ગુજરાતીમાં પણ બોલતા સાંભળીને વિદ્યાર્થીઓ રોમાંચિત થઈ ઉઠ્યાં હતાં.
સની દેઓલ અને અમીષા પટેલની સાથે ફિલ્મના અન્ય કલાકારો ગરબાના તાલે ઝૂમી ઉઠ્યાં હતાં.
‘ગદર 2’ ફિલ્મ 11 ઓગસ્ટથી દેશભરમાં થિયેટરોમાં રિલીઝ થવાની છે.
